New Delhi Nailur 30: Kum ka jingpynkhreh ban sdang pyntrei kam noh ia ka National Food security Act ha baroh ki jylla jong ka Ri India bad ha ki Union Territory, ha kaba ia tei ka ain la ioh ia ka jingmynjur na u president jong ka Ri India. Da katei ka ain yn sam ia u khaw tador sha ki 82 klur ngut ki nongshong shnong jong ka Ri India.
Ia kane ka jingialang yn plied a u myntri ka sorkar pdeng u ba dei peit ia ka tand rep bad ka tand sam marbam jong ka Ri India u Sharad Pawar, ia ka jingialang yn pyniaid da u Prof K.V Thomas, Minister of Consumer Affairs, Food and Public Distribution ha kane ka jingialang baroh ki myntri jong ki sorkar jylla ruh kin ia don lang.
Ha kane ka jingialang kin ia kren kumno ban jied ia ki nongoh ia kane ka jingmyntoi bad kum juh ban peit ba kumno ki dorbar shnong kin ioh ban iarap lem ia ka sorkar ha kaba pyntrei kam ia kane ka skhim kaba kyrpang jong ka sorkar pdeng namar kane ka skhim kaba mynta ka kyndon BPL kan nym don.
Ka jingthmu jong kane ka skhim ka long ba kumno yn pynioh sha ki paidbah ia u khaw u ba tad dor . Kane ka skhim kan pynioh ia ki kynthei kbia ar met bad ki khynnah kiba dang 5 snem haduh 14 snem kumba 75% bad 50% na ka bynta ki nongkyndong bad kiba don ha ki jaka sor. Ha kane ka skhim baroh kin ioh mar san kilo ma u ne ka briew bad na ka bynta ki IAY kan neh hi kum juh 35 kilo shit num iing.(SP News)
