New Delhi, Nailar 07: Ia ki jingtip ba iadei bad ka jingbei tyngka ha ki startup lyngba ka North East Venture Fund (NEVF) naduh ba la sdang ia ka ha kaba iadei bad ka pisa ba la bei, ka jaka bad ka kam.
Ka jingkheinkor ia ka start-up ka iadei bad ka tarik ka ban wan katkum ki fund ba la ioh na kiwei kiwei ki nongbei tyngka. Katkum ka jingai jingmut jong u nongbei tyngka, ki jinglong jong ka iew, bad ka jingkiew jong ka kompani, ki jingantad ki lah ban kylla ha ki bynta bapher bapher jong ka jingbei tyngka.
Ki startup kiba kyrshan da ka NEVF, ki la jiedia ki lad kamai kiba don ha ka thain bad ki la wanrah ia ki jingpynbha ia ki kam lyngba ki mar bad ki jingai jingshakri jong ki.
Ki jingtip ba bniah shaphang ka jingplie lad ioh kam da kine ki start-up ki kynthup ia ki jingtip ba bniah shaphang ki nongtrei ba la pyntbit bad bym pat pyntbit bad ruh ka jingiashim bynta ki longkmie. Ka jingphiahkatkum ki jylla bad ki snem la ai ha ka Annexure-II.
Ha NEVF ka dei kaba la pynrung kyrteng kum ka Category I Venture Capital Fund hapoh ka Securities and Exchange Board of India (SEBI) Alternative Investment Funds (AIF) Regulations, 2012. Shuh shuh ka komiti kaba shimet kaba kynthup ia ki riewshemphang ha ki kam venture funding, private equity, developmental banking bad kiwei kiwei ki shim ia ki rai halor ka jingbei tyngka.
Kum ka kyndon, ka jingai jingtip na ka por sha ka por shaphang ki kam, ka jingbat ia ki kyndon ka dei kaba wanrah hakhmat jong ki nongiashim bynta ha ka NEVF bad kiwei kiwei ki kynhun ha ka rukom kaba ryntih. Shuh shuhia ka jingpyniaid ia ka fund la peit da ka Reserve Bank of India (RBI) bad u Comptroller and Auditor General of India (CAG) lyngba ka audit na ka por sha ka por.
Ia ka NEVF la seng kum ka close ended fund ha kaba ka thong jingdon pisa ka long T. 100 klur. Ka la kot ia kane ka thong lyngba ka jingai T. 30 klur na ka North Eastern Development Finance Corporation Ltd. (NEDFi), T. 25 klur na ka Small Industries Development Bank of India (SIDBI) bad T. 45 klur na ka that Development of North Eastern Region (MDoNER). Hynrei ia ka bynta na ka MDoNER la ai ia ka NEDFi kum ka ram khlem sut ban pynphai shisen siew hadien 15 snem.
Ban pynkhlain ia ki lad seng kam lajong da ki briew kiba shem jingeh, ka NEDFi ka la seng ia ki tnat jong ka ha baroh ki jylla ka thain shateilammihngi kiba iatrei bad ki startup lyngba ki jingiakynduh ha kaba la ai jingbatai shaphang ki venture fund.
Kane ka la ialam lynti ia ka NEVF ba kan iakren bad pynbiang pisa ia ki startup na Arunachal Pradesh, Manipur bad Meghalaya. Ki jingtyrwana ki jylla Nagaland bad Mizoram ki dang iaidshakhmat. Bun na kine ki startup ki dei kiba ialam da ki nongseng kiba long ki longkmie.
Khnang ban poi shuh shuh sha ki jaka bapher bapher jong ka thain shateilammihngi ban kyrshan ia ki startup, ka NEVF ka la pynlong ia ka Startup Investment Fest, ka rukom aplai online ban ioh jingbei tyngka ha u Lber, 2022. Kane ka prokram ka la khringia ki briew na ki jaka bapher bapher jong ka thain shateilammihngi.
Ka jingbei pisa lyngba kane ka North East Venture Found naduh ba sdang haduh mynta ka long T. 5684.50 la tyngka, haba wan sha ka jylla Meghalaya, ki don lai tylli ki kompeni kiba la bei pisa da ka NEVF kito ki long ka Eri Weave Pvt Ltd T. 35 lakh na ka bynta ka Handloom bad Handicrafts, Shillong Bamboo Pvt Ltd T. 45 lakh naka bynta u siej bad Ruralnomics Pvt Ltd T. 25 lakh naka bynta ka E-commerce.
Ka jingpyniohkam iaki samla ha kitei ki lai tylli ki kompeni kiba la bei pisa lyngba ka NEVF na ka bynta u snem mang tyngka 2022-2023 ha ka jylla Meghalaya ka long 29 ngut ki shynrang, 11 ngut ki kyntheo baroh ki long 40 ngut, kiba la tip ha ka kam 32 ngut bad ki bym pat tbit ki don 8 ngut, kane ka long katkum ka jubab u myntri ba dei peit ia ka DONER da ka jingthoh ha Lok Sabha u G. Kishan ready.
