Shillong, Nailar 08: Mynta ka sngi ka Regional Committee ban ia pynbeit pud kaba dei ia ka West Khasi Hills District kila ia kynduh mynta ka sngi ha Amingoan ha Kmarup Distric jong ka jylla Assam bad kane ka jingiakren ka long ia ka Langpih.
U shnongknor ka Regional Committee na ka jylla Meghalaya u bah Paul Lyngdoh bad na ka jylla Assam u Chandramohan Patowary myntri sorkar, ha ka jingdon lang ki dkhot na baroh ar liang ki jylla ryngkat ki ophisar.
Na ka liang jong u bah Paul la ong ba kane ka jingakren mynta ka sngi ka dei ia ka West Khasi Hills District bad ka jingiakren ka long kyrpang ia ka Langpih, la ong ba ka jingiakren ka long kaba sei soh.namar ka don ka jingiapdianglang ba baroh ar liang.
Haba ia dei bad ka jingkam na ka liang jong ka jylla Meghalaya kaba u lakam khmat naka liang ong ka sorkar Assam kala sngewiahap ia kaei kaba la pynsngew, bad ha kane ka sngi kila ai ia ki kyrteng jong ki jaka bym don jingiaknih kiba ka sorkar Meghalaya kala pyntrei ia ki kam pynroi ha kine ki bun phew snem iakine ki jaka dei ban pynhap ha Meghalaya.
Ha kane ka jingiakren la kdew ruh ia ki jaka kiba don ha pdeng ka jingeh bad ia kine kin ia treilang kumno ban weng ia kito ki jigneh bad ia kane kin sa ia kynduh biang ha Shillong shuwa ka 15/8/2023 bad ha dien kata ki Regional Committee na baroh arliang kin sa leit ban kynduh ia ki paidbah ha ki shnong.ha ki bynta ka Langpih bad khmih lynti ba kin sa lah ban pynbeit ia u pud u sam.
