Shillong, Nailar 08: Mynta ka sngi u myntri rangbah ka jylla Meghalaya u Conrad K Sangma u la ialam ia ka kynhun myntri kynthup ia u Lamphang ka iing dorbar thawain ha ka jingiakynduh ia u mytnri rangbah duh ka Ri India u Narendra Modi ha nongbah Delhi.
Ka phang kaba ha khmat eh kaba ka kynhun myntri kala ia kren bad u myntri rangbah duh jong ka Ri India ka dei ia ka rai jong jong ka iing dorbar thawain ka jylla ha ka 19/12/2019 ban pyntreikam ia ka Inner Line Permit ha kane ka jylla Meghalaya, kane ka kam dang sah bad ka tnad kam poh iing ia kaba ka sorkar kampat jubab haduh mynta.
Ha kane ka jingiakynduh ka sorkar kala kren halor ka rai jongka iing dorbr thwain ka kaba la shim ha u Nailur 2018 ban pynrung ia ka ktien Khasi bad Garo ha ka khyrngit kaba phrang jong ka Riti Synshar ka Ri India bad kane ruh kadang sah bad ka sorkar pdeng.
Ha kane ka jingiakren u myntri rangbah u la kren halor ka jingiapyn beit pud hapdeng ka jylla Meghalaya bad Assam, ki don 12 tylli ki jaka kiba don ha pdeng ka jingiakam mar kylliang bad na kita 6 tylli la dep ban ia pynbeit bad 6 tylli ki dang sah ha kaba u myntri rangbah ka jylla u la pan ia ka jingkyrshan na ka sorkar pdeng.
Haba ia dei bad ka jingdawa ia ka ILP u myntri rangbah ka jylla u la pynsngew ha u myntri rangbah duh ka Ri India u Narendra Mod ia ka jingbymbing Citizenship (Amendment) Act, 2019, wat la la pynlait ia ki jaka jong ki riewlum, dei na kane ka daw bala shim iaka rai hapoh ka iing dorbar ban pyntreikam ia Bengal Eastern Frontier Regulation 1873 ha Meghalaya.
Haba ia dei bad ka jingpynrung ia ka ktien khasi bad Garo ha ka khyrngit kaba phra jong ka riti synshar jong ka Ri India, ka sorkar jylla kala dep ban phah ia ka jingthoh sha ka tnad kam poh iing ka sorkar pdeng ha ka 14/12/2018.
Haba ia dei bad ka jingiapynbeit pud bad ka jylla Assam ia ki 6 tylli ki jaka la dep ban ia soi ia ka soskular ia sngewthuh jingmut ha u snem 2022 bad ka jingiakren iaki 6 tylli ki jaka ba dang sah ka dang bteng mynta.
