Shillong, Nailar 10: Mynta ka sngi hapoh ka jingalam jong u shongknor ka iing dorbar jong ka KHADC u bah Lamphrang Blah bad ki Executive Member lemb ad ki MDC kila leit ban jurip iaka Khasi Heritage Village kaba don ha Mawphlang na ka bynta ban pynlong ia ka ‘Monolith Festival’ 2023 ha u bnai Nohprah.
U bah Lamphrang Blah ba dei shongknor jong ka KHADC ba dei ruh u MDC jong katei ka jaka kila leit ban jurip ia katei ka jaka ban sngewthuh kumno ban pynbit pynbiang ia ka na ka bynta ban pynlong ia katei ka tamasa ha u bnai Nohprah.
Haba kren hadien ka jingleit jurip iaka Khasi Heritage Village, u bah Lamphrang ula ong ba ka thong ban pynlong biang iaka tamasa ka ‘Monolith Festival’ kadei naka bynta ban pyninam iaka jingriew spah ka jaidbynriew haba iadei bad ka riti dustur jong ka jaidbynriew khasi.
U bah Blah ula ong ba naka liang ka sorkar jylla haka jingialam u myntri rangbah ka jylla u Conrad K Sangma kala ai ka jingkyrshan iaka district council ban pynlong biang ia kane ka tamasa Monolith Festival ym tang ban pyninam iaka jinglong tynrai bad kyrpang ki riewlum hynrei kane ka tamasa kan kyntiew iaka thain Mawphlang haka liang jngohkai pyrthei.
