Shillong, Nailar 12: Ban pynneh pynsah ia ka jingkhuid jingsuba hapoh Raj Bahvan mynta ka sngi naduh ki ophisar bad baroh ki nongtrei kila pynlong ia ka jingpynkhuid ia ki sawdong sawkun jong ka tei ka jaka sah jong u lat ka jylla, u Phagu Chauhan.
Kane ka jingpynkhuid ka long ba ia ka iing ka sem, jong ka Raj Bhavan, ki lynti syngkieng ki sawdong sawkun jong ka Raj Bhavan bad la pynkhuid ruh ia ki lynti iaid kjat bad la bret ia ki niut ha ka jaka kiba dei. Kane kam dei tang ban pynkhuid hynrei ka dei ka jingkut jingmut ki nongtrei ban pynneh ia jingkhuid.
Ha kane ka juh ka sngi la pynlong juh ia ka jingsumar ei ha ka koit ka khiah ki nongtrei bad ia kiba ha iing ha sem jong kiba trei hapoh Raj Bahvan ban pynthikna ia ka jingkoit jingkhih hapoh katei ka jaka sah jong u Lat ka jylla.
