Shillong, Nailar 17: Ka KSU Employment & Monitoring Cell mynne ka sngi ka la kynduh ia u Director General ka North East Center for Technology Application and Reach (NECTAR) ba pynsngew halor ka jingujor na ka liang ka samla thep kam ha katei ka ophis.
Katkum ka jingiohlum khubor, la pynsngew sha ka Seng ba rukom thep kam ha katei ka ophis ka shim long kaba iaid beit bad bunsien ki ju ioh ki briew na bar jylla watla ki Khasi ki la kot ia ka kyrdan.
Katkum ka advertisement ba la mih ha 9 tarik u Kyllalyngkot, 2023 bun tylli ki post ki mih na bynta ki Kam bapher bapher hynrei ka rukom thep kam ka long kaba jar jar ba haduh ki nongthep kam kim ju ioh jingtip eiei halor ka jingshah jied jong ki nongiohkam.
Na ka liang ka Seng ka la dawa ba ki kyrteng jong nongthep kam ha kajuh ka por ki Eligible Candidates, Shortlisted Candidates bad Selected Candidates ka dei ban paw sha pyrthei ha ka website jong ka NECTAR ha ryngkat ki marks khnang ba ki marks ba ki ioh ha ki eksamin bad interviw khnang ka nym don kano kano ka jingleh shiliang na ki bor pyniaid.
Ka Seng ka la dawa ruh ba nyngkong dei ban ailad shwa ia trai jylla ban ioh kam lada don kiba apply. Na ka liang jong u Director General ula pynshai ba ki jingthung kam ka dang iaid bad kam pat dep bad kin buh noh list kum ba dawa ka Seng ha ka website ka jong ki bad kin ailad shuwa ia ki paidbah Khasi lada kila don ka kyrdang ba labiang.
