Shillong, Nailar 17: Ka kynhun Miss Meghalaya Organisation (MMO) hapoh ka lama jong ka Meghalaya Tourism Youth Development Society (MTYD) kan pynlong ia ka jingiakop thei bha briew ha ki ar bynta, Miss Meghalaya bad Miss Teen Meghalaya 2023.
Ha kane ka jingiakop la shah jied 18 ngut ki thei samla ban ia khun ia ka Miss Meghalaya 2023 bad 19 ngut kiba la shah jied ban ia khun ia ka Miss Teen Meghalaya, 2023. Ia kine ki thei samla yn hikai kyrpang haduh ban da poi ka sngi jingiakop.
Ka jingiakop kan long ha ka 9th Nailur 2023, ka ban long ha Soso Tham Auditorium, State Central Library, Shillong. Hapoh kine shibnai kine ki thei samla baroh 37 ngut kin shah hikai kyrpang ha ki nonghikai kiba la buh da ka kynhun ban pynbit pynbiang ia ki.
Ki thei samla kiba la wan sha ka ka jingjied ki don bun ngut ki thei samla, na ki pyniaid ha dien ba kila peit bniah ki la jied 18 ngut ki ban ia khun ia ka Miss Meghalaya, 2023 bad 19 ngut ban ia khun ia ka Teen Miss Meghalaya, 2023.
