Shillong, Nailar 20: Namar ka jingkiew ka jingpng khamt ia kaba la ioh jigntip na kylleng ki bynta jong ka East Khasi Hills District, na ka bynta ka jingbit jingbiang jong ki paidbah ka tnad ka koit ka khiah kala pynmih ia kine ki jingbthah ha rum kaei ban leh bad ban nym lah ban iada na ka jingsaphriang ka jingpng.
Kane ka jingpang khmat, kaba pynsawring ia ki khmat ka dei ka jingpang kaba ia bit na u wei sha u wei pat u briew da kaba ia peit mar khmat para briew da ka jingiadei na ki tiar kiba pyndon kam.
Ki dak ki shin jong kane ka jingpang khmat, ka long ka jingsaw ki khmat, ka jingat ki khmat, ka jingmih um ki khmat, ka jingpang bad dait ki khmat bad ka long ba ym lah ban peit ia ka jingshai bad ki khmat ki dam bit haba khi mynstep.
Na ka liang jong ka tnad ka koit jong ka District Medical Health Officer ka East Khasi Hills District kala bthah ia ki briew kiei ban leh bad kiei ban kiar ban iada na ka jingsaphriang kane ka jingpang.
Kaei kaba ki paidbah ki hap ban leh ka long ban leh khuid da kaba sait sabon ia ki kti, lada shah ktah ha kane ka jingpang pynkiar ia lade na kiwei da kaba shnong ha iing bad kiar na ka jingia kynduh bad kiwei ki briew haduh ban da jah ka jingsaw ki khmat.
Kiba dei ban kiar ka long ban nym ia pyndon kam liang ia ki tiar ban pyndonkam iala de, kiar na kaba ktah ia ki khmat, wat pyndon kam ia ki Contac Lens, wat leit sha skul, wat leit sha Kolej, wat leit sha ki jaka trei, lada phi shah ktah ha katei ka jingpang haduh ban da jah ka jingsaw ki khmat.
La da ki jingpang kala jah ha dien san sngi leit ban phah peit ha ki doktor, lada ka jingbym shai ki khmat, ka jingpang, ka jingpeit ia ka jingshai lada ki la duna ne la jem, ia kane ka jingbthah la pynmih na ka ophis jong ka DMHO ka East Khasi Hills District Dr. A Lyngdoh.
