Shillong, Nailar 24: Mynta ka sngi ka Meghalaya State Pollution Control Board, ryngkat ki bor jong ka District Administration kila pynlong ia ka “Public Hearing” na ka bynta ban sngap ia ka sur jong ki paidbah ban pynkiew ia ka jingpynmih dewbilat ka Meghalaya Cement Limited ha Thangskai.
Ha ka por bala jan sdang ka jingsngap paidbah ki paidbah kiba pyrshah ia kane ka jingthmu ban ailad ia ka MCL ban pynheh ia ka jingpynmih dewbilat kila kwah ban rung sha ka jaka ban pynlong ia ka jingsngap hynrei kala don ka jingpyrshang ban khanglad, kane kala wan rah ia ka jingbitar.
Ban tem ia kane ka jingtur jong ki paidbah ki pulit kila pyrshang ban khanglad hynrei ki paidbah kila dang tur bad ban khanglad ia kane kila hap ban pyndon kam ban siat ia ki lyer pynsat khmat, ha kane ka jingiakhih bun ki riew paidbah kila mynsaw ha ka jingshah bon ha ki pulit.
Halor katei ka jingjia u Working President ka KHNAM u bah Thomas Passah la ong ba ka jingdon jong ki karkhana dewbilat ha Jaintia Hills District kala pynjot ia ka mariang bad kine ki khlem pynmyntoi ei ei ia ki paidbah ka jylla u la kynnoh namar ka ophis ong ki baroh ki don ha Guwahati.
Haba kren ha u nongai khubor kila pynpaw ba ka jingpyrshah ia kane ka jingsngap paidbah la kynnoh bala ai jingbit khlem da tip ka shnong, ha ka juh ka por ki pyrshah namar ka jinghap pui pui dewbilat ha ki iing ki sem na katei ka karkhana dewbilat bad ka bad bun kiwei kiwei ki jingleh ka kompeni ba long pyrshah ia ki paidbah.
