Shillong, Nailar 28: Mynta ka sngi ka Regional Committee na dei peit ia ka West Khasi Hills, Meghalaya bad jong ka Kamrup, Rural ka jylla Assam kila ia kynduh ha Shillong ban bteng ia ka jingiakren pynbeit pud hapdeng kine ki ar tylli ki jylla la pynlong ha Pinewood Hotel Shillong.
Haba kren ha ki lat pathai khubor ha dien ka jingialang, u bah Paul Lyngdoh myntri ka sorkat Meghalaya ba dei ruh Chairman ka Regional Committee jong ka West Khasi Hills District la ong ba, ka jingiakren mynta ka sngi kala dng pynrit ia ka jingiakren ha kito ki jaka ba iakam markylliang.
Ha kane ka jingkren la bthah ia ki Deputy Commissioner jong ki ar tylli ki District ba kin buh ryntih ia ki kyrteng jong ki shnong bad la aiti ruh sha ki MDC ba dei ha kito ki jaka ba don ka jingiakam markylliang bad kin pynkhreh ia ki kyrteng jong ki shnong bad ynda kila dep ki Regional Committee kin sa kynduh biang.
Bah Paul la iatyhuh ba ka jingiashong dorbar jong ka iing dorbar thawain ka jylla Meghalaya bad Assam kin sa long ha u Nailur bad ha dien katta ki Regional Committee kin sa kynduhbiang bad shuwa ban kut u nailur kinsa leit ban jurip sha ki shnong kithaw da kaba kin khot lang saw san tylli ki shnong ha kawei ka jaka kane ka dei kaba kila ia kren mynta ka sngi.
U myntri ka sorkar Assam u Chandra Mohan Patowary haba jubab ia ki jingkylli u la ba ia mynta ym pat lah ban ai ia ki kyrteng jong ki shnong kiba don ha ka jingiakam kaba mar kylliang katba ym pat leit ban jngoh ia kito ki jaka khmih lynti ka don ka jingiatreilang ban lah ban pynbeit ia kane ka jingeh hapdeng ki ar tylli ki jylla.
