New Delhi, Nailar 28: Mynta ka sngi ka jingialang ha pdeng ka Ri India bad ka Bangladesh kila pynlong ia ka jingialang kaba san kaba juh lang man la u snem ha kaba ia dei bad ki kam iada ri hadpeng kine ki ar tylli ki Rib a marjan ha Dhaka.
Na ka liang jong ka Ri India la lam khmat da u sekretari ba dei peit ia ki kam iada Giridhar Aramane ha ka jingleit jngoh ba ar sngi ha katei ka ri, na ka liang jong ka ri Bangladesh la lam khmat da u Lt Gen Waker-Uz-Zaman, Principal Staff Officer, Armed Forces Division.
Kane ka jingiakren ha pdeng kine ki ar tylli ki ri ha kaba ia dei bad ki kam iada ri ka dei ka jingiakren kaba ha khlieh eh hapdeng kine ki ar tylli ki ri, ha kane ka jingiakren kila ia mir jingmut ha ka jingia dei bad ki lat jngiada khamtam ka jingiadei hapdeng ki kynhun shipai jong kine ki ri.
Ha kane ka jingiakren la ia mynjur lang ba baroh ar tylli ki ri ba kin dang ia pynkhlain ia ka jingiakilan met hapdeng ki shipai jong kine ki ar tylli ki ri kiba katkum kane ka juk kaba mynta, baroh ar liang kila ia mynjur ban dang pynjan shuh shuh ha ka jingiadei ha pdeng kine ki ri.
U Giridhar Aramane bad Lt Gen Waker-Uz-Zaman, kila mynjur ia ka jingsei soh na kane ka jingiakren ha kane ka jingialang kaba san ha ki kam iada ri ha pdeng kine ki ar tylli ki ri, ha kaba ki kynhun shipai na baroh ar liang kin dang ia pynbha shuh shuh ha ka jingiatreilang ha ka jingiadei ha pdeng kine ki ri.
