Shillong, Nailar 31: Mynta ka sngi ki pulit jong ka West Khasi Hills District kila ioh ban kem ar ngut ki briew bad ioh ban kurup u drok heroin na Siejlieh Mawiawban ha dien ba ki pulit kila ioh jintip ia ka jingdon kitrei ki nongkhaii drok.
Na kine ki briew la ioh ban kurup .5 gram u heroin, ar tylli ki Mobile Phone, ka pisa T.10,480 tyngka wei u syringe, 2 tylli ki plastic bad ka kali kaba ki pyndon kam kaba don ia u number ML05-N-0782.
Ki pulit jong ka Nongstoin, kila register case pyrshah ia kine ki ar ngut ki nongkhaii drok hapoh ki kyndon jong ka NDPS Act, na ka liang jong ki pulit ha kylleng ki bynta jong ka jylla kila pynkhlain ia ka jingpeitngor ban ia khun pyrrshah ia ki kam khaii drok.
