Shillong, Nailur 03: U Lat ka jylla u Phagu Chauhan mynta ka sngi u la leit ban ia shim bynta ha ka jingialang bala pynlong da ka Rachnatmak Nonia Sanyukt Sangh ha Bihutoli Khel Maidan, ha kaba palat 20, 000 ki briew kila wan ban ia shim bynta na kylleng ki District jong ka jylla Assam ha kane ka jingialang.
Ha kane ka jingialang ka kynhun jaidbynriew kala ai ia ka dorkhas sha u Lat jong ka jylla Meghalaya u la leit ban ia shimbynta kum u kongsan bad ha kane ka dorkhas kum ka jaidbynriew Nonia kala kwah ban ioh ia ka jingithuh kum ki OBC hapoh ka jylla Assam.
Halor kane ka jingangnud jong ka jaidbynriew Nonia, u Lat ka jylla u Phagu Chauhan mynta ka sngi u la ia kynduh ia u myntri rangbah ka jylla Assam u Himanta Biswa Sarma ha Raj Bhavan, Guwahati Assam.
Ha kane ka jingiakynduh u Lat ka jylla Meghalaya u la pynsngew ia kaei kaba ka jaidbynriew Nonia kala ai ia ka dorkhas, ha kane ka jingiakynduh u myntri rangbah ka jylla Assam u la kular ia u Lat ka jylla ba ka sorkar kan sa peit ia ka jingkwah jong ki jaidbynriew Nonia kiba don hapoh ka jylla Assam.
