Shillong, Nailur 04: Ka KHADC kala buh ia ka thong ban pynlong ia ka “Monolith Festival” ha ‘Heritage Village’ kaba don ha Mawphlang ha u bnai Nohprah 2023, mynta ka sngi kala don ka jingleit jurip lang ia katei ka jaka na ka liang jong ka KHADC bala ialam da u CEM u bab Pyniaid Sing Syiem, ka tnad shangsuwari bad ka tnad pla pisa jong k sorkar jylla.
U bah Pyniaid CEM jong ka KHADC haba kren ha ki lat pathai khubor la ong ba ka jingjurip lang ia kane ka jaka ka long ban pynkhreh ia ka “Monolith Festival” bad ka jingthmu ban pynlong biang ia kane ka tamasa ka long ban pynisha ka pyrthei ia ka jingriewspah ka riti dustur kum ka jaidbynriew.
Kane ka tamsa kan long san nsgi lynter kata naduh ka 4th haduh ka 9th Nohprah 2023, ia kane ka tamsas la pynlong mynshuwa ha u snem 2013 bad 2016 bad mynta 2023 kane kan long ka sien kaba lai hpoh ka kynhun ‘Khasi Heritage Consultative Forum’ bad kane kala pynmyntoi .
Ki iing kiba don ha katei ka jaka ka long ba ki pyni ia ka jinglong ki hima katkum ki jaka kumba ka long kane ka jaka dang don shibun ki jingdon kam ban pynbit pynbiang ban pynlong ia ka tamsa bd ia mynta ki don 11 tylli ki iing trep na ki 54 tylli ki hima.
Ha kane ka Tamsa kan don ki jingshat tynra na ki hima bapher bapher, kin don ki jingialehkai kiba lyngkot na ki hima, kumba ka long mynta ia ka jingshna ia ka iing buh nam kala jan dep bad kane kan khring ia ki nongwan jngohkai namar kin buh ia ki jingpynsah nam kiba yn nym lah ha kiwei ki jaka.
Ha kane ka jaka buh nam yn buh ruhia ki kot kiba kren ia ki riti dustur, ka leh niam tynrai, ki jignthoh kiba dei bad ka bam tynrai, kane ka long kaba sngewtynnad ha kaba ka don ka jingiatreilang bad u lyngdoh ha Hima Mawphlang.
U CEM jong ka KHADC la ong ba na ka liang jong ka sorkar hapohka jingialam jong u Conrad K Sangma bad u myntri kam shangsuwari u bah Paul Lyngdoh ki kwah ban pynibiang ia kane ka tamasa ban pyninam ia ki shad tynrai.
Na ka liang jong ka Tnad shangsuwari kan sa khot tender noh ia kane ka jingker, na ka liang jong ka KHADC kam shym don kano kano ka jingmang pisa namar mynta la ia trei lang bad ka sorkar jylla ha kaba ka tnad shangsuwari kan sa maramot ia kine ki jingtei ha kane ka katei ka jaka.
