New Delhi, Nailur 13: U Myntri Rangbah Duh, u Narendra Modiu la leit sha ka stall jong ka Meghalaya kaba la buh ha ka Craft Bazar ha ka G20 summit. U la iakren bad ka kynhun kaba don hangto bad u la pynsngew ia ka jingitynnad jong u ia ka jain Ryndia kaba iahap bad ki thong Sustainable Development Goal (SDG) na ka bynta ka jingtrei na ka bynta ka mariang, ka jingpynkupbor ia ki longkmie bad ki lad kamaikajih kiba iaineh.
Ka tnat Textiles bad C& RD, Sorkar Meghalaya, lyngba ka Textiles Department brand “Ryndia “ & “Tribal Weaves” jong ka Textiles bad C&RD ha ryngkat ki tiar ba shna da ki kti ba wanrah da ka Meghalayan Age hapoh ka tnat Kam Jngoh Kai ki la mihkhmat na ka jylla ha ka G20 International Craft Bazar.
U Bah FR Kharkongor Commissioner bad Secretary Textiles bad C& RD u la ialam nyngkong ia ki kynhun ka Textiles bad C&RD na ka bynta ki jingiatreilang bad ki ophisar na ka tnat Textiles ki la mihkhmat ia ka jylla ha ka G20 Exhibition.
Ha ka jaka ba pynlong ia ka G20 Summit ha New Delhi, la pynlong ia ka ‘Crafts Bazaar’ (Jingpyni bad jingdie) ha Bharat Mandapam, PragatiMaidannaduh ka 8 haduh ka 10 tarik u Nailur. Kane ka Crafts Bazaar ka la pyni ia ki tiar ba shna da ki kti na kylleng ka India da kaba peit bniah ia ka One District One Product (ODOP), ki tiar ba ioh jingithuh GI bad ki tiar ba shna da ki nongsaindurriewlum bad ki longkmie.
Ki delegate, ki lad pathai khubor na ki ri bapher bapher kiba iashim bynta ha kane ka Summit ki la ioh lad ban leit sha kane ka Crafts Bazaar bad thied ia ki mar. Ia kane ka jingpyni kyrpang la pynlong da ka G20 Secretariat ha ka jingiatreilang bad ka that Textiles bad ki Sorkar Jylla and UT.
Kumba 30 tylli ki Jylla bad ki UT ha ryngkat ki kynhun ka Sorkar Pdeng kum ka Khadi Village & Industries Commission, TRIFED, SarasAjeevikaki la iashim bynta ha ka Crafts Bazaar.Ban pyni ia ki tiar ba itynnad bha kiba shna ha ka thain shateilammihngi, la buh ia ka tall ‘Focus North East’ ha ka jingiatreilang bad ka North-Eastern Handicrafts & Handloom Development Corporation (NEHHDC).
