Shillong, Nailur 25: Ki MDC ka liang pyrshah hapoh ka Khasi Hills Autonomous District Council kiba dei na ka United Democratic Party, ha ka sngi kut jong ka dorbar ba kyrpang kila mih jyndat noh napoh ka ïing dorbar thaw ain jong ka council hadien ba ka Executive Committee kam shym la koh nguh satia ban phah sha ka select committee ia ka Khasi Hills Autonomous District (Administration of Elaka) (Second Amendment) Bill, 2023.
Ha shwa jong kane kala don ka jingiathir halor katei ka phang ka phang ia kaba la wanrah da u MDC ka Sohra uba dei ruh u nongialam ka liang pyrshah u Bah Titosstarwell Chyne.
Haba ia kren bad ki lad pathai khubor halor ka jingmih jyndat ka jong ki MDC ka UDP napoh ka ing dorbar u Bah Titosstarwell Chyne u la ong ba ja jingmih noh ka jong ki na ka ïing dorbar kadei namar ka jingle donbor jong ka Executive Committee da kaba ym sngap ia ki jingai jingmut jong ki halor ka second amendment Bill 2023 halor ka Elaka.
U bah Titos u la ong, “Ngi la pynpaw ba ka jingwanrah ïa kane ka bill ka long kyrkieh bad tang ia ka copy jong ka bill ruh dang shu ioh ha shwa ban sdang ka dorbar ba kyrpang” u la ong.
Na ka liang u deputy CEM jong ka council u bah PN Syiem u la ong ba ka jing mih kynsan jong ki kam dei kaba shong nia da kaba ki ai daw jong ki ban rah shwa ia ka bill sha ka select commetee ban kham iatai bha ba namar jong ki dang lynkot palat
U Deputy CEM u la ong ba ha ka jingshisha ha ka por ba u pynshai ki pdiang hynrei mynta ngim lah sngewthuh balei pat mih kynsan bad bynrap ruh ba kane ka jing leh jong ki kadei ba kim kwah ba ka EC ba mynta kan iaid sha khamt ban pass ia ka bill.
