Shillong, Nailur 28: Mynta ka sngi ka seng ka Lympung ki Seng Kynthei kila leit ban ia kynduh ia u bah PN Syiem Deputy CEM ka KHADC ban ai khublei iaka KHADC kaba la wanrah daka Bill ban pynkylla ia ka KHAD (Administration of Elaka) Act, 1991 da kane ka Billa yn ailad ia ki kynthei ar ngut ha ka Executive Dorbar jong ka dorkar shnong.
Ka kong Theilin phanbuh kaba dei ka President ka lympung ki Seng Kynthei Shillong bad khapsor ka la pynpaw ba Khlem ka ain ka jingtreikam jong ki ka long tang ha suin hynrei lyngba kane ka Bill ynda la ioh ia ka jingmynjur na u Lat ka jylla ki seng kynthei ruh kin ioh bynta lang ha ki kam shnong.
Ynda la ioh ia ka jingmynjur ia ka Bill ban long ain hapoh ka KHADC mynta ki kynthei ki don ka bor ban don bynta haki Kommittee bapher bapher na ka bynta ka bha ka miat ki shnong ki thaw.
Kane ka Bill kam shym la kdew ba la shah ia ki long kmie ban shah jied rangbah shnong hynrei ki don pat ki shnong kiba shah, kyrmen ba ka KHADC kan sa bishar bniah ia kane ka phang.
Kala ong ruh ba kim dawa ban shah ban don bynta ban jied ia ki Rangbah Shnong hynrei ki shu kwah ban don bynta ha ki committee bapher bapher jong ka shnong
Ka President kong Theilin Phanbuh ka la ong ba ki wan ai khublei ia ka KHADC ka ba la ailad ia ki longkmie ban don bynta ha ka dorbar shnong, khamtam lei ba la lah ban pynurlong ia kane ka mat ki la dawa naduh 2011.
Haba ioh ban ia kren bad u Deputy CEM ka KHADC u la iathuh ba ka shong ha ka jingstad ki dorbar shnong ban shah ne ym shah ia ki longkmie ban jied rangbah shong hynrei la shah ia 2 ngut ki longkmie bad 2 ngut na ki seng samla ban don bynta haka executive committee.
Kane ka jingdon ki 2 ngut ki longkmie haka EC kan iarap ia ki longkmie ban iohlad ban iasaid ha ba iadei ka bha ka miat ki longkmie ha la ki shnong.
