Shillong, Risaw 03: Hadien ka jingmih ka jingpyrshah jur na ki nong shong shnong ka shnong Nonghali, halor ka jingthmu jong ka sorkar jylla lyngba ka tnad Urban Affairs na ka bynta ban thied jaka ban ioh lum thup ia ki ñiut ki ñier, ka seng Hynniewtrep National Youth Movement mynta ka sngi ka la leit ban aiti da ka dorkhas sha u myntri sorkar ba peit ia ka tnad Urban Affairs.
Katkum ka dorkhas, na ka liang jong ka HNYM ka la dawa ba ka sorkar ka dei ban sangeh mardor ia katei ka jingthmu ban thied ia katei ka jaka ha katei ka ba dei ha ka shnong Nonghali kaba don ha ka thaiñ Lumsohlait.
Haba ia kren bad u President ka HNYM u la iathuh ba ka seng kan ym ai lad satia ia ka sorkar ba kan pynlong ia ka public hearing na ka bynta katei ka jingthmu jongnka sorkar.
