PM addressing the gathering at the inauguration of the first-ever National Training Conclave at the International Exhibition and Convention Centre, in Pragati Maidan, New Delhi on June 11, 2023.
New Delhi, Risaw 03: Ka skhim Prime Minister Street Vendor’s AtmaNirbharNidhi (PM SVANidhi), ka sienjam hapoh ka jingkyrshan ka Tnat Housing and Urban Affairs (MoHUA), ka la kot sha u mawmer ba kyrpang ha ka jingai jingiarap jong ka sha palat 50 lak ngut ki briew kiba die jingdie harud surok ha kylleng ka ri.
Ki briew kiba die jingdie harud surok ki la long ka bynta ba kongsan ha ka ioh ka kot ha ki jaka sor, da kaba pynbiang ia ki mar ba kongsan bad ki jingshakri sha ki briew ba sah ha ki jaka sor. Ka skhim PM SVANidhi ka la iarap ban wanrah ia ki ha ki kam ka ioh ka kot kaba skhem bad ban plié lad ia ki ban kiewshaphrang.
Ka thong jong u Myntri Rangbah duh, u Narendra Modi ban pyniar ka jingioh ia kane ka skhim ka la ai mynsiem ban sdang ia ki sienjam na ka bynta ban pyniar ia ka. La sdang ha ka 1 tarik Naitung, 2023, ka Tnat Housing and Urban Affairs (MoHUA), ka la plie ia ka campaign, kaba peit bniah biang ia ki thong ba dei ban pyndep hapoh kane ka skhim.
La pynlong ia ki jingialang bapher bapher bad ka jingpeit bniah ha kane ka samoi, kynthup ka jingpeit bniah ia ki Public sector bank da ka Myntri ba dei khmih ia ka Tnat Kam Pla tyngka, kiZonal State Review ha kylleng ka ri ha ki jaka bapher bapher da u Dr.BhagwatKishanraoKarad, Myntri Khynnah ba dei khmih ia ka Tnat Kam Pla Tyngka , kumjuh ruh ki jingialang peit bniah ha ki Jylla/UT da u Manoj Joshi, Secretary MoHUA bad u Vivek Joshi, Secretary, DFS.
Kane ka jingiatreilang ka la iarap ha ka jingpyllait 65.75 lak ki jingai ram, kaba la long ka jingmyntoi ia palat 50 lak ngut ki briew kiba die jingdie harud surok, ha ka jingkot kaba palat T 8600 klur.
Kum ban shu kdew ki public sector bank ki la leh ia ka bynta ba kongsan ban kot sha une u mawmer lyngba ka jingkyrshan jong ka skhim kaba nyngkong na ka bynta ka jingai ram kiba rit ba la saindur ia ki briew kiba duna jingioh ha ki jaka sor.
Ka PM SVANidhikadei ka sienjam jong ka Sorkar India kaba thmu ban wanrah ia ki nongdie jingdie ha surok sha ka ioh ka kot kaba skhem bad iarap ban ioh ram.
Ki Jylla ki la pdiang kylluidia kane ka skhim, bad ka campaign kaba dang shen ka la long kaba jop. Ha ki lai bnai ba la leit, ki jylla ki la pynrung palat 12 lak ngut ki briew ba thymmai, kaba bun tam, bad kaba nang bun shuh shuh ha ka jingpynrung kyrteng.
Ka Tnat ka la buh ia ki thong na ka bynta baroh ki jylla bad ki union territory ban ithuh ia kiba dei ban ioh jingmyntoi bad ban pyllait ia ka jingai ram. Ki Jylla ki la buh thong kyllaia la ki nongbah, da kaba thmu ban pyndep ia ki hashuwa ka 31 tarik Nohprah, 2023.
Mynta, ka Madhya Pradesh, Assam, bad Gujarat kilongnapdeng ki jylla kiba treikam bha, katba ka Ahmedabad, Lucknow, Kanpur, Indore, bad Mumbai ki lamkhmat ia ki nongbah ha ka jingpyntreikam ia ka prokram. Shuh shuh, baroh ki jylla ki iashim bynta shitrhem ha kane ka skhim ban ai jingmyntoi ia ki briew kiba die jingdie harud surok.
Nalor ka jingai ram ba rit, ka skhim PM SVANidhi ka pynkup bor ia ki briew kiba die jingdie harud surok lyngba ki jingsiew digital. Ka jingkyntiew ia ki jingsiew digital, ka jingiashim bynta ki Kynhun ai ram, Bank, bad ki Digital Payment Aggregators (DPA) ka plié lad ban rung ha ki kam digital bad ruh ki jingai jinghikai. Lyngba kine ki jingiatreilang la sakhi ka jingdon palat 113.2 klur ki jingsiew digital ba shongdor T.1,33,003 klur, bad T. 58.2 klur ka pisa ba la ioh biang ba la pyllait sha kiba dei ioh jingmyntoi.
Ka jingseisoh jong ka skhim ka la long palat ka jingai ram, ka la buh ruh ia ka nongrim ban don ka jingshngain lyngba ki skhim na ka bynta ka bha ka miat jong ki bahaiing jong ki nongdie jingdie harud surok.
Ka sienjam “SVANidhi se Samriddhi” , ba la plie ha ka 4 tarik Kyllalyngkot, 2021, ka thmu ban pyniasoh ia kiba haiing jong kiba ioh jingmyntoi sha phra tylli ki skhim jong ka sorkar India na ka bynta ka imlang sahlang bad ka ioh ka kot,ban kyntiew ia ka roi ka par kaba kynthup lang ia baroh. Haduh mynta, la mynjur palat 51 lak ka sanction hapoh kine ki skhim ban kyntiew ia kiba haiing jong ki nongdie jingdie jingdieharud surok.
Ka jingjop jong ka jingpynkup bor ia 50 lak ki nongdie jingdie harud surok ha ki kam ka ioh ka kot ka dei ka lawei kaba phyrnai jong ki kam ka ioh ka kot jong ka India. Ka Tnat Housing and Urban Affairs ka la kut jingmut ban wanrah ka jingskhem ha ki kam pisa, ka jingithuh bad ki lad na ka bynta ka jingkiew shaphrang jong kine ki bynta ba kongsan jong ka ioh ka kot jong ka India.
“Ka skhim PM SVANishi ka la tam ia ki jingkhmih lynti jong ngi da kaba kot palat 50 lak ngut ki briew kiba dei ioh jingmyntoi tang hapoh lai snem. Kane ka jingjop ka pyni ia ka jingkut jingmut jong ngi ban pynkup bor ia ki briew kiba die jingdie harud surok bad pyniasoh ia ki sha ka kam ka ioh ka kot.”
Ka skhim PM Street Vendor’s AtmaNirbharNidhi (PM SVANidhi, kadei kaba la plie ha ka 1 tarik Jylliew 2020, kadei ka skhim ai ram ia ki briew kiba die jingdie harud surok ha ki jaka sor kaba thmu ban ai ram ban don bai seng khlem ka jingbuhbynda haduh T. 50,000.
Hapoh ka skhim ka don ka jingmyntoi haba ki siew biang por ia ka ram da 7% ka interest subsidy bad ki jingsiew digital ki ioh jingmyntoi da ka jingioh biang ia ka pisa haduh T. 1,200 shi snem.
Ka skhim ka pyndonkam ia ka E-KYC katkum ka Aadhaar, ka pyndonkam ia ka rynsan IT, bad ka pyndonkam ia ki jingai jingtip katkum ka SMS na ka bynta ki jingai jingtip halor ka aplikeshon. Baroh ki kynhun ai ram, kynthup ki NBFC/MFI bad ki DPA, ki la iatreilang da ka jing thmu ban pynduna ia ka jingduk ha ki jaka sor ka India.
