Shillong, Risaw 06: Mynta ka sngi ki pulit jong ka Ri Bhoi District haba la ioh jingtip ba ki don ki briew kiba khaii beain ia ka ksiar, kila pynlong ia ka jingkhynra iaki kali bad ha kane ka jingkhynnra ki Pulit jong ka Byrnihat kila ban kem arngut ki briew wei ka kynthei bad wei u shynrang.
Ki ksiar kiba la ioh ban kurup na kine ki ar ngut ki long hynniew tylli ki biskit ksiar bad ka jingkhia kala kot sha ka 826.31 gram. Kane ka jingioh kurup ka long ha dien ba kila pynlong ia ka jingkhynra katkum ka jigntip kaba ki la ioh.
Na ka liang jong ki pulit kila pynpaw ba ka jingia khun jong ki ka long pyrshah ia baroh ki kam khaii beain bad ia kum kine ki jingia khaii na ka liang jong ki pulit kin nym ailat satia ba kin ioh ban suh thied ha kane ka jylla Meghalaya, ki pulit ki long kiba peitngor ban ia khun pyrshah ia ki kam khaii beain.
Na kine ki ar ngut ki pulit kila ioh ruh ban kurup ka pisa, ar tylli ki mobile bad ia ka pla kaba kila thep ia ka ksiar, ki pulit ki ong ba wei na kiba la shah bat ha kti ki pulit mynta ka sei tang nongiarap.
