Shillong, Risaw 07: Ka seng samla pule Jaintia Students’ Union (JSU) kala kynnoh ba kala don ka jingshah leh bein ki trai ri trai muluk haki karkhana shna cement , na ka liang jong ka seng kan ai ka jingkyrshan ia ka JHTOA kaba kila pynlong ia ka jingakhih naduh ka 5th Risaw 2023.
Ka seng ha ki snem ba lah dep ka lah juh don bynta lang ban ai ka jingkyrshan ha ki jingiakhih bala juh pynlong da ka JHTOA halor ban pynkiew ia ka bai kit bad ha kajuh ka por ba ki karkhana shna cement ba kin ai noh da ka bai kit thymmai lyngba ka Notification ba la ai da ka Sorkar jylla.
Mynta pat kaba phylla ka long ba kine ki karkhana ki pynduh wat ban ai load ia ki kali ki trai ri . Ka jingleh heh jong kine ki karkhana ka lah pyndom ia ngi ki trai ri trai muluk bad kim burom ia ka jaitbriew.
Ka seng ka la maham tyngeh ia kine ki karkhana shna cement ba kidei ban ai load ia ki kali jong ki trai ri kum ka soskular kaba ki la soi bad ka Association bad ban burom ruh ia ki trai ri trai muluk khlem da nion beiñ iaka dor .
Ka Seng kan iaid da ka lynti ba tyngeh lada kine ki karkhana kim pdiang ia ki jingdawa kaba shong nia jong ka Association. Kane ka long katkum ka khubor ba la phah da u Publicity Secretary ka seng u Samla Dapmain Suchiang.
