Shillong, Risaw 07: Mynta ka sngi ki shipai Border Security Force (BSF) kila ioh ban kurup ia ki dawai kiba la thmu ban shallan tuh sha Bangladesh kiba la shongdor haduh T.17 lak tyngka kum juh bad ia ki jain Saree.
Kiba la ioh kurup ia kine ki dawai bad ki jain Saree dei na ka kynhun ki shipai 172Bn jong ki BSF ki don ha Hangaria ha East Jaintia Hills District, ka jingioh kurup ia kine ki dawai ka dei ha dien ba ki nongkhaii beain kila bret ia ki jingkit mar ia iohi ia ki BSF.
Ha kane ka jingthwet ia ki nongkhaii beain ki BSF kila ioh ban kurup ia ki song kiba don hapoh khklaw bad haba la plie ia ki dei da ki jain Saree, na ka liang jong ki BSF kila aiti sha ki Kustoms ban leh ia kaba don kam.
Ha kawei pat ka jingjia ki shipai BSF jong ka 4 Bn kila ioh ban kurup ia ki jain Saree ha khappud bad ka Bangladesh ha East Khasi Hills District katba ki dang thmu ban phah sha Bangladesh.
