Shillong, Risaw 07: U Myntri Rangbah ka jylla u Conrad K Sangma mynta ka sngi u la iakren bad ka tnad korbar ri jong ka sorkar pdeng ban pynthikna ba ki 27 ngut ki briew na kane ka jylla kiba leit sha Palestine bad Israel kin ioh ban wan phai da kaba suk sha India.
Ki 27 ngut kiba na kane ka jylla kiba leit sha kitei ki ar tylli ki ri ka long baki leit ban jngoh ia ki jaka kyntang kiba don ha kitei ki ar tylli ki ri, hynrei namar kala mih ka jingiakynad kaba kynsan ki briew na kane kajylla kila sah kut ha Bethlehem.
Ha kane ka jingakren bad ka tnd korbar ri na ka liang jong u myntri rangbah ka jylla u la kyntu ia ka sorkar pdeng ba kan shim ia ki lat ki lynti ban pynioh ka lat ban wan ialam biang ia kitei ki 27 ngut ki briew na kane ka jylla ban kin ioh ban wan phai da ka jingsuk.
Mar ia ioh ia ka jingtip halor kane ka jingsah kut ki briew jong kane ka jylla ha Bethlehem namar ka jingiakynad hapdeng kitei ki ar tylli ki ri, u myntri rangbah ka jylla da ka jignsngew khia u la iakren bad ka sorkar pdeng ban pynioh ia ka lynti ba kin wan phai biang da kaba suk, ia kane la twit ha ka X.
