Shillong, Risaw 09: Hadien ka jing ioh i ia ka jing shim sting bad leh bym suidniew ki briew da kaba bret pathar ia ki jaboh jabain ki ba mih na ki ing ki sem, ki jaka iew khamtam ha ki lynti synkien.
ka jingpynlang ia ki ñiut ki ñier ha ki jaka paitbah, kiba lah wan ban wanrah jingma, ia ka koit ka khiah jong ki nongshong shnong ka jylla. ka Khasi Hill Autonomous District Council mynta ka sngi ka 9 tarik u risaw ka pynlong da ka jingia phylliew jingmut ba kyrpang bad ki heh jong ka world bank ki ba la wan na ka ri USA.
U bah Pyniaid Syiem CEM Ka KHADC Haba kren sha ki ladpathai khubor, u la ong, ka council ka angnud Kumno ban pynsgewthuh paitbah haba ia dei ka khuid ka suba ha ka imlang ka sahlang khamtam ha ki 5 tylli ki district kiba hap hapoh ka jingpeit ka KHADC.
Shen na ka liang jong ka KHADC kan sa sdang ban ai ka jinghikai kaba kyrpang ia ki nongshong ka jylla ban nymbret pathar ia ki jaboh jabain kiba mih na ki ing ki sem ne na kino kino ki bynta.
U la ong, ka council ha ka jingiatrei ryngkat bad ka world bank kan sa wanrah ruh ia ka RRC lane resources recoverring centre kaba long ruh shibynta ban pyniakhlad ia ki jaboh, ki ba pyut bad ki bympyut la la ka jong khnang ban pynsuk ia ka rukom bret ia ki.
U bah Pyniaid Sing namaste u la pyntip ruh ba lyngba jongnka solit waste management act ba thymmai la pynrung ia ki roles ba ia ka baisiew ia ki nonglum ñiut ba na kylleng ki shnong ruh ka council kan sa ai da ka dor kaba thikna, kumjuh ruh halor ki jingjia ba la ju lap ba don ki ba leh khlem akor ban bret ia ki ñiut kiba ki la lum la lang na ki ing jongki bad bret ha ki surok, ha ki wah bad ha kino kino ki jaka ha ki por mynmiet.
U CEM ka KHADC u la pyntip ba ia kiba kum kine lada lap ka council ka la buh kyndon ba ka ki hap ban siew ia ka Kuna. Kumjuh ruh lehse da kaba leh kumne kan iarap ban pynkhuid ia ki wah ki ba don ha shillong kynthup ka wah umkhrah bad ka wah umshyrpi ki ba dei ki wah ba la isih hi khaid ban peit iq ka jingjaboh ha kine ki sngi.
U la pyntip ruh ba lashai ka sngi kaba dei ka 10 tarik risaw. Ka council ryngkat bad kitei ki heh jong ka world bank kin sa leit ban jurip ha ka wah umkhen kaba la sdang ban jaboh bad ruh ia ki shnong ba ki tuid ki wah.
