Shillong, Risaw 10: U Vice Chairman ka Niti Aayog jong ka sorkar pdeng u Suman Kumar Bery mynta ka sngi la wan sha Shillong ban ia don lang ha ka jingialang ban ia kren ha kaba ia dei bad ka jingkiew ha ka ioh ka kot ha kane ka jylla Meghalaya.
Ia kane ka jingialang kaba kyrpang la pynlong ha Secretariat mynta ka sngi ha ka jingiadonlang u Chief Secretary ka jylla u bah DP Wahlang, u symbut Chief Secretary u Dr. Shakil P Ahammed bad ki heh sorkar na ka tnad planning.
Ha kane ka jingialang la sngewthuh ba ka jingiakren ka long haduh katno ka jylla Meghalaya kala kiew ha ka ioh ka kot bad kiwei ki jingdon kam ban dang pynkhlain ban dang kiew ha ki lat kamai kajih ha kane ka jylla.
