Shillong, Risaw 11: Ka Meghalaya Board Of School Education Kum shi bynta ban rakhe ia ka jingdap 50 snem lane Golden jubilee jong ka, mynta ka 11 tarik u Risaw 2023 ka la pynlong da ka Inter school Choir Competion halor ka theme ” Celebrate the past, Embrace the present and Rise to the Future” kaba la long ha U Soso Tham Auditorium.
Ha kane ka jingiakop rwai kynhun la wan ia shim bynta na ki 8 tylli ki school ki ba ha poh East Khasi hills District. Ha kane ka jingiakop rwai ia ka nam lahduh la ioh rah da ka Synod Higher Secondary School ryngkat Bad ka song pisa ka ba 30 hajar tyngka.
Ia ka kyrdan ba ar pat la ioh da kaSt.Mary’s Higher Secondary School ha ryngkat bad ka song pisa kaba 20 hajar tyngka bad ia kynran balai la ioh pat banrah da ka Kiddies Corner Higher secondary school ryngkat ka song pisa kaba 15 hajar tyngka.
Ha kane ka sngi la sam ia ka khusnam sha ki nongjop da u Executive Chairman ka MBOSE u C.P.Marak, u Joint Director MBOSE Shillong u bah Macdonald Marbaniang ha ka jingiadonryngkat lang ki nonghikai skul na ki skul bapher bapher, ki kmie ki kpa ki khynnah skul bad kiwei kiwei de.
Haba ia kren sha ki lad pathai khubor u Joint director MBOSE shillong u bah M. Marbaniang u la iathuh ba ka mbose mynta u snem ka la pynlong ia ki program bapher bapher ha jowai, Tura bad kumjuh ruh ha Shillong kum shibynta ban rakhe ia ka jingdap 50 snem
La iathuh ruh ba ka Synod higher secondary school kaba jop ha ka jingiakop rwai kynhun mynta ka sngi ka 11 tarik u risaw kan leit rwai ha ka 19 tarik u risaw 2023 ha tura ha ka sngi pynkut ia kane ka jingrakhe dap 50 snem ka MBOSE ha ka ba u Myntri Rangbah Ka jylla yndon ryng kat ha katei ka sngi. Ia kane ka jingiakop rwai la ban bishar da u bah B. Latam, ka kong P. Warjri bad u bah W.Nongsiej.
