Shillong, Risaw 13: Mynta ka sngi ka seng Hynniewtrep Youth Council jong ka War Jaintia kala phah da ka jingthoh sha ka myntri ka tnad ka koit ka khiah ka Dr. Mazel Ampareen Lyngdoh ban kyrpad ia ka sorkar ba kan pynbha bad ban kyntiew kyrdan ia ki jaka sumar hapoh ka Amlarem Civil Sub Division hapoh jong ka West Jaintia Hills District.
Ha ka jignthoh kaba la phah sha ka myntri ka tnad ka koit ka khiah ka long ba ia ka PHC kaba don ha Pdengshakap dei ban pynbha bad ban kyntiew kyrdan ia kane ka jaka sumar jong ka sorkar, kum juh ia ka PHC ha Jarain, PHC ha Dawki bad Dispensary ha Padu, kum juh ia ka CHC ha Nongtalang.
Ha ka jingthoh kaba la phah sha ka mytnri mynta ka sngi la ong ba ka jaka ai jingsumar ka PHC ha Dawki, Pdengshakap, Jarian bad ka Dispensary ha Padu bad ka CHC kaba don ha Nongtalang ki don ha pdeng ki jingduna kiba bun ha ki tiar ki tar ban ai ki jingsumar sha ki paidbah ka thain bad kiwei kiwei ki jingdonkam ha kitei ki jaka ai jignsumar.
Haba ia dei bad ka Dispensary ha Padu la ong ba ka don tang san kamara bad kane kala buh ha ka jingeh bad khapngiah ban pdiang ia ki nongpang bad ia ki nongtrei, ki pidbah ka thain ki shaniah ia ki jingsunar ha kane ka Dispensary.
Ki jingduna ha barah ki jaka ai jingsuamr jong ka sorkar kilong ka jingduna ki nongtrei, ka jingbym biang ka ka um ha ki por ba tyrkhong, ka jingbym don ia ki Laboratory, ka jingduna ki kali Ambulance bad kila kdew ruh ia ki shibun ki jingduna bad ai jingmut ruh sha ka sorkar kumno bal eh, ia kane ka dorkhas la soi da u Youdahunki Shylla president bad u Tohmondiam Mukhim Secretary.
