Shillong, Risaw 21: Ka Central Puja Committee (CPC) kala pyntip ba mynta u snem baroh ki Pnadal ki jaka leh niam Durga Puja ki don 250 tylli ha ka jylla baroh kawei, ki jaka mane blei paidbah ha Khasi Hills ki don 123 tylli, ki pandal kiba la shna da ki riew shimet ki don 11 tylli bad ha Garo Hills ki don 116 tylli baroh.
Ka Central Puja Committee (CPC) ka dei ka kynhun ka dei kaba mih khmat ia ka kynhun niam Hindu ha kane ka jylla Meghalaya bad ka ia trei lang bad ki Puja Kommittee, ki Mandir Kommittee bad ki kommittee kiba peit ia ki sngi khraw.
Kane ka kynhun ka don ia ki shnat trei kam jong ka sha Garo Hills, Ri Bhoi District, Bhalaganj , Balat, Jaintia Hills, West Khasi Hills, South West Khasi Hills bad ha kiwei ki jaka ha Meghalaya kiba peit ia ki kam jong ka CPC ha kane ka jylla Meghalaya.
Kane ka jinglehniam Puja kala sdang mynta ka sngi bad ka jingpynngam ia blei kan long ha ka 24/10/2024. Ki Pandal paidbah ha kane ka nongbah Shillong ki don 64 tylli, jong ki riew shimet ki don 8 tylli. Ha kine ki saw sngi kin shibun ki jingiakop tem drom.
Na ka liang jong ki lat jingiada la buh ia ki CCTV ha baroh ki jaka mane blei, kila don ki nongiarap ban peit ban iaid beit ka jingleh niam puja ha baroh ki pandal kiba la don ha ki jaka bapher bapher ba kane ka jinglehniam kaba mynta kan long kaba beit ba biang ia baroh, kane ka long katkum ka kyrwoh kaba la phah da u JL Das General Secretary ka CPC.
