Shillong, Risaw 29: Mynta ka sngi ka kong Isawanda Laloo CEO jong ka Sustainable Transport and Efficient Mobility Society (STEMS) kala pdiang ia ka khusnam na u Manoj Joshi, Secretary ka tnad pynroi sor ka sorkar pdeng ba ka sor Shillong ka dei ka jaka ba don ia ka jingiatreilang ha kaba pyniaid ia ki kali ba ia leit lang.
Ia kane ka jingialang ha ka 16th Urban Mobility India Conference and Expo 2023, kaba la long ha nongbah Delhi naduh ka 27th bad la pynkut mynta ka sngi 29/10/2023 ha nongbah Delhi. Kiwei ki jaka sor kiba la ioh ia ki khusnam ki long ka Delhi, Lucknow, Srinagar, Bhubaneswar, Kochi, bad Jabalpur.
Kane ka long ka sien kaba nyngkong ba ka STEMS kala ioh ia ka jingithuh na ka sorkar pdeng bad ia kane la pynwan dur ha u snem 2021 da ka tnad planning ka sorkar jylla Meghalaya bad ka jingpyniaid ia ki kali STEMS ka long mynta u snem 2023 ha kaba 30 tylli ki skul kila pdiang.
Kine ki kali ki don ia ki CCTVs da kaba pyndon kam ia ka GPS ba ki kmie ki kpa kim tip shano ki khun kila poi bad ia ki nongniah bad kiba peit ruh la hikai bha ia ki ban pyniaid ia kine ki kali bad shuwa ban pyntreikam la ia mir jingmut bad ki paidbah kum juh bad ka MTC.
Kiba ia don bynta lang ha kaba pyniaid ia kine ki kali lyngba jong ka STEMS ki long ka MTC, ka NIC Meghalaya, NIC Uttarakhand, ki pulit pyniaid kali bad ka tnad shna surok,kane ka khusnam la pynkup sha ka STEMS ka dei halor ka jinglah ban pyniadon kti lang bun ki kynhun ban pyniaid ia ki kali.
Ia kine ki Bus la pyniaid ha ki 15 tylli ki skul ha Shillong bad kila ioh ia ka jingpdiang sngewbha na ki paidbah ia kane ka rukom pyniaid ban kit ia ki khynnah skul, da kane kala iarap ban pynduna ia ka jingdon ha surok kumba 70 minit haba leit buh skul man ka sngi, kumba ka long mynta ka jingpynrung kyrteng ban leit da kine ki bus sha skul.
