Shillong, Naiwieng 02: Haba pynpaw ka jingsngewkmen ia ka jingplie lyngba ka bor internet ia ka lynti relAkhaura-Agartala da u Myntri Rangbah duh u Narendra Modi bad ka Myntri Rangbah duh jong ka Bangladesh, ka Sheikh Hasina ha ka 1 tarik Naiwieng, 2023.
U Secretary, NEC u K Moses Chalai u la ong na kane ka projek lynti rel kaba 12 KMs, 5.45 kms kaba hap ha ka bynta jong ka India kadei kaba la bei tyngka da ka Tnat DoNER bad ka NEC kaba long T. 863 klur. Ka jingmangtyngka baroh na ka bynta ka projek kaba 12 KM kalong T. 973 klur ha u bnai Naitung, 2016. Ka NEC ka ladep pyllait T. 798.73 klur.
U la ai jingkren sha ka kynhun ki lad pathai khubor ba kynthup 13 ngut ki nongpathai khubor na Maharashtra hynnin ka sngi ha NEC. Kane ka kynhun ka la wan iashim bynta ha ka jingleit peit bniah ba la pynlong da ka Press Information Bureau hapoh ka skhim ba la bei tyngka da ka sorkarpdeng kaba la tip kum ka Development Communication and Information Dissemination.
Kane ka dei da ka jingthmu ban pyni ia ki kam pynroi bapher bapher ba la sdang ha jylla Meghalaya, ka bynta jong ki kynhun bapher bapher jong ka Sorkar India ban ai jingkyrshan na ka bynta ka jingshngain bad ka roi ka parbad pyni ia ka jingriewspah ka deiriti jong ka jylla.
Haba iakren bad ki nongthoh khubor, u Secretary u la ong ba ka North Eastern Council kaba long ka nodal agency na ka bynta ka jingkyntiew ia ka ioh ka kot bad ka imlang sahlang jong ka thain shateilammihngi ka la long kaba kongsan ha ki kam jong ka.
Ki jingjop jong ka ha ki 50 snem ba la leithadien ba la sdang ia ka ha u snem 1972, ki la long kiba khraw ha ka liang ka jingkyntiew ia ki jingdon jingem, ka pule puthi, ka koit ka khiah bad ki kam rep.
Namar ba kalong ka kynhun kaba pynkhreh kam na ka bynta ka thain shateilammihngi, ka NEC ka la plie ia ka North East Resource Centre (NERCEN) da ki jingthmu ban kyntiew ia ka jingpyndonkamia ka remote sensing and satellite imagery, ka rynsan ai jingtip ia ki nongjngohkai kaba don nongrim ha ka GIS bad ka jingpeit ia ka jingduna ha ka jingiasoh lyngba ki surok.
Ka jingkyntiew ia ka jingwad bniah bad ki jingsaindur thymmai ha ki kam kiba iadei bad ka jingkyllaka suinbneng, ki teknoloji ba saindur thymmai, ka jingbuh jingtip shaphang ki rukom im tynrai, ki rukom thoh dak bad ki ktien kiba don ha ka jingma ban duh jait bad ki jaka ba sahdien bad ka data centre bad ruh kawei ka jaka pdeng ban ioh jingtip shaphang ki lad kamaijakpoh.
U Chalai u la ong ba ka NEC kadei kaba don bynta ha ka jingsdang bun ki projek kiba heh kum kaRegional Institute of Medical Sciences, Imphal, North East Police Academy, Shillong, North Eastern Electrical Power Corporation Ltd. Shillong.
Ka North Eastern Region Agriculture Marketing Corporation Guwahati, North Eastern Regional Institute of Science bad Technology, Itanagar, Regional Institute of Paramedical bad Nursing Sciences, Aizawl, North Eastern Regional Institute of Water and Land Management haTezpur.
Ka Lokpriya Gopinath Bordoloi Regional Institute of Mental Health Tezpur, North Eastern Space Application Centre, Shillong, Bhubaneswar Borooah Cancer Institute, Regional Dental College, Guwahati, Regional Nursing College, Guwahati, Regional Institute of Pharmaceutical Science bad Technology, Agartala bad ka Cane and Bamboo Technology Centre ha Guwahati.
U la ai jingtip ia ka kynhun ba la shna 11,432.00 kmki surok da ka jingbei tyngka ka NEC ha ka thain shateilammihngi. Ka la ai jingiarap ban buh ia ki jaka pynmih bording ba 694.5 MW bad ka jingshna 10,341.63 circuit km ki sainar pynpoi bording, ka jingshna 11 tylli ki Inter-State Bus Terminus (ISBT) bad ka jingkyntiew ia ki jingdon jingem ha 5 tylli ki kad liengsuin jong ka thain.
Ka la ai jingkyrshan ia ka North Eastern Region Community Resource Management Project (NERCORMP) ka projek na ka bynta ki kam kamaijakpoh ba lah ban iaineh ryngkat ka jingkyrshan na ka IFAD.
Ka Deputy Director, PIB Mumbai kaJayadevibad Deputy Director, DDK Shillong uSarnagPofale, M&CO PIB u Gopajit Das bad ki ophisar jong ka NEC ki la iadonlang ha kane ka jingialang.
