Shillong, Naiwieng 06: U bah Euginson Lyngdoh President ka Rangdajied United FC mynta ka sngi pyntip ba kane ka kynhun ia lehkai kynjat boll kan leit ban ia shim bynta ha ka 3-Division jong ka Indian Premier League jong ka samoi 2023 – 24.
Haba kren ha ki lat pathai khubor u bah Euginson Lyngdoh u la pynpaw ka jingsngewnguh ia ka sorkar jylla khamtam ia ka tnad shangsuwari kaba la ai ka jingkyrshan ia kane ka club ha ka ba kanlah ban leit ban ia shim bynta sha katei ka lympung ka jingai jingkyrshan ka sorkar jylla ka long kum ka lad na ka bynta ki khynnahba kin pyniaia ka sap jong ki.
U Ggeneral Manager ka club u bah Andrew Suting u la pynpaw ka jingsngewnguh ia u Myntri Rangbah ka jylla u Conrad Sangma bad ia u bah Paul Lyngdoh myntri ka sorkar jylla ki ba la ai ka jingkyrshan.
U la pynpawruh ka jingsngewnguhia ki rangialehkai kiba la lah ban leh kai bha haduh bakan ioh ia ka jingjop na ka MSL 2023 bad kum juhruh ia ki nongkyrshan bad ki nong ai jingiarap ia ka club.
Ha kane ka sngi la ioh ruh ban pynlaitia ki Jersey ki ba la ai jingiarap da ka company Puma ha ka bakane ka company ka ai jingiarap ka ba pura iakane ka club ha ki liang ki tiar jing don kamjong ka Club.
