PM addressing the gathering at the inauguration of the first-ever National Training Conclave at the International Exhibition and Convention Centre, in Pragati Maidan, New Delhi on June 11, 2023.
New Delhi, Naiwieng 14: U Myntri Rangbah duh, u Narendra Modiunplie ia ka jingialang rakhe ia ka ‘JanjatiyaGauravDiwas’ bad pyllait ia ka bynta jingsiew kaba 15 jong ka skhim PM-KISAN ha Birsa College, Khunti, Jharkhand ha ka 15 tarik Naiwieng 2023.
La rakhe ia ka JanjatiyaGaurav Divas man ka snem ban tip shaphang ki sienjam jong ki riewlum ha ka jingpynnehpynsah ia ka deiriti bad kyntiew ia kijingngeit tynrai ka India ha ka burom jong ka ri, ka jingshlur bad ka jingpdiang burom ia kiwei.
Ia kane ka prokram yn pyni da ki KrishiVigyan Kendra (KVK), ki ICAR Institute, ki State Agricultural University, ki PM KisanSamriddhi Kendra, ki Primary Agricultural Cooperative Society, bad ki Common Service Center (CSC) ha kylleng ka ri.
Ha ka bynta jingsiew kaba 15, palat 8.0 klur ki nongrep kin ioh ia ka pisa kaba palat T. 18,000 klur ban pyllait da u Myntri Rangbah duh da kaba shon ia u budam ha ka 15.11.2023.
Ka pisa baroh ba la pyllait sha ki nongioh jingmyntoi naduh ba la sdang ia ka skhim la antad ba kan tam palat T. 2.80 lak klur. Kane ka jingiarap pisa kan kyrshan ia ki nongrep ban pynbiang ia ki jingdonkam jong ki ha ka rep ka riang bad kiwei kiwei ki jingdonkam.
Ka PradhanMantriKisanSammanNidhi (PM-KISAN) kadei kawei na ki skhim Direct Benefit Transfer ba heh tam ha pyrthei. Kane ka skhim jong ka sorkar India, ka pyni ia ka jingbteng ka jingkut jingmut ka Sorkar India ban pyntreikam ia ki polisi na ka bynta ki kam rep kiba plié lad bad kiba seisoh.
Kadei ka skhim jong ka sorkarpdeng kaba la plie ha ka 24 tarik Rymphang 2019 ban kyrshan ia ki jingdonkam pisa jong baroh ki nongrep kiba don jaka lajong katkum ki kyndon kiba iadei bad u pud jong ki jingioh jong ki.
Ki jingmyntoi kiba T 6,000/- ha ka shi snem ha ki lai tylli ki bynta man ka saw bnai ki dei kiba poi sha ki bank account jong ki longiing jong ki nongrep ha kylleng ka ri lyngba ka rukom treikam Direct Benefit Transfer (DBT). Haduh mynta, ki jingmyntoi kiba palat T 2.61 lak klur ki dei kiba la pynbiang sha palat 11 klur ngut ki nongrep ha kylleng ka ri.
Na ka bynta ka jingpyllait ia ka bynta kaba 15, donkam ia ka eKYC bad ka jingpyniasoh u Aadhaar bad ka bank account ba dang treikam ban pynthikna ba ka jingmyntoi ka poi sha kito kiba dei ban ioh ia kane lyngba ka bank account kaba la pyniasoh bad u Aadhaar khlem da don ka jingmushlia jong no jong no.
Ban plié lad ia ki nongrep ba kin pyndep ia ka eKYC ha ka PM KISAN, ka tnat Agriculture and Farmers Welfare ka la saindur ia ka mobile application kaba don ruh ia ka jingpynshisha ia ka durkhmat kaba ki nongrep ki lah ban pyndonkam ban pyndep ia ka eKYC bad iarap ruh ia 100 ngut kiwei kiwei ki nongrephajan jong ki ba kin pyndep ia ka e-KYC na iing.
Kane ka app ka dei kaba nyngkong ban pyndonkam ia ka jingpynshisha ia ka durkhmat ha kanokano ka skhim ai jingmyntoi jong ka Sorkar India. Kane ka mobile app ka dei kaba suk ban pyndonkam bad kaba suk ban download na ka Google Play store.
Ka tnat ka rep ka riang bad ka bha ka miat jong ki nongrep ka la sdang ruh ia ka PM-KISAN AI Chatbot (Kisan e-Mitra), kaba plié lad ia ka jingpynbeit ia ki jingeh jong ki nongrep kiba iadei bad ka skhim PM-KISAN.
Kane ka chatbot ka dei kaba iasoh bad ka Bhashini, bad ka ai jingiarap ha ki ktien tynrai bapher bapher kum ka Hindi, Tamil, Odia, Bengali bad ka ktien phareng lyngba ka sur bad ka text.
Kine ki jingpynbeit lyngba ka teknoloji ki thmu ban pynbeit ia ki jingeh bad jubab ia ki jingkylli ba ki briew ki don. Ka chatbot ka plié lad ia ki nongrep ba kin ioh jubab ia baroh ki jingkylli jong ki kiba iadei bad ka skhim bad ka ai jingtip mardor.
Ka jingpyllait ia ka bynta jingsiew kaba 15 jong ka skhim PM-KISAN ka pyni ia ka jingkut jingmut jong ka Sorkar India ban kyntiew ia ka kam rep, ka jingpynkupbor ia ki nongrep bad ka jingpynthikna ia ka jingkiew shaphrang jong ki kam rep.
Ka tnat ka rep ka riang bad ka bha ka miat jong ki nongrep ka ieng skhem na ka bynta ka bha ka miat bad ka jingpynkupbor ia ki nongrep bad ka jingkyntiew ia ki rukom rep ba iaineh ha India.
Ka tnat ka dang pyntreikam shibun ki prokram bad ki sienjam ban kyntiew ia ka jingseisoh ki kam rep, ka jingkyntiew ia ka jingioh jong ki nongrep bad ka jingpynthikna ia ka jingioh mar bam ha ka Ri.
