Shillong, Naiwieng 21: Mynta ka sngi u bah Stanlington D Khongwir MLA barim jong ka Mawlai u la khlad noh mynta ka sngi ha NEIGRIHMS ha dien ka jingshitom kaba la bat ia u katto katne por, ka jingkhlad u ne u rangbah kala dang wanrah shuh ia ka jingduh ha ka sain pyrthei.
Mynta ka sngi u myntri rangbah ka jylla u Conrad K Sangma ba dkiwei kiwei ki nongialam seng sain pyethei kila leit ban sngewlem halor kane ka jingkhlad une u rangbah ha kaba u la ong ba ka jingkhlad noh ka jong u kala wanrah ia ka jingduh ym tang ia ka Mawlai hynrei ia ka jylla baroh kawei.
Wat la u bah Khongwir ym shym dei shuh u MLA hynrei la iohi ia ka jingieit jong ki paidbah ha man la ki por kaba ki paidbah ki iai ai ka jingkyrshan ia u, la ong ba u la iohi ban ia kynduh bad u sngewthuh ia ka jinglong u ne u rangbah, duwai ba unioh ia ka jingsuk bynjuhkut bad ban sngewlem ia kane ka jingkhlad noh ka jong u ne u rangbah.
U bah Stanlington D Khognwir u la jop ia ka MLA na Mawlai Konstitwensi ha u snem 1972 por d dang ioh ia ka jylla kumu kyrtong shimet, naduh snem 1978 haduh 1983 na ka seng HSPDP, naduh u snem 1988 haduh 1993 na ka seng HPU, u la long MLA 25 snem lynter na ka Mawlai Konstitwensi.
U Stanlington Khongwir u la shong thait noh na ka sian pyrthei ha u 2003 ha kaba u khlem ia khun shuh ia ka MLA, ha kine ki 25 snem jong ka jinglong MLA u la bat ia kikam bapher bapher ha ka sorkar, ha kaba u la poi ha ka kyrdan Symbut myntri rangbah ka jylla bad ki tnad sorkar bapher bapher.
