Shillong, Naiwieng 21: Kumba la juh leh man la u snem mynta ka kynti ruh ka Riad Mylliem kaba kynthup ia ki san kur bad ki khatwei kur kila pyndep ia ka jingleh niam ha khlieh Iewduh bad ia ka shad ka kmen la pynlong ha basa tympew ha kat iew duh.
Ha kane ka sngi ki san kut juba kynthup ia ka kur, Marbaniang, Sohtun, Kharkongor, kurkalang bad Nongkhlaw-Rngi, katba ki khatwei kur ki long, Kharrubon, Langstieh, Kharmawphlang, Kharmon, Synteng Nongdhar, Synteng Umwi, War Nongjri, War Tynghah , Kharlang, Mylliem Umlong bad Kharlukhi, kila ia poi ha kane ka sngi ban sakhi ia kane jinglehniam.
Ia kane ka jingleh niam ha Iewduh, ia ka jingduwai phirat la pyndep da u rangbah kur Nongkhlaw, ia ka wait ban pom ia blang la shimti da u Lyngdoh Mylliem na u rangbah kur Nongkhlaw ban aiti sha u Myntri Kharkongor ban pom ia u blang bad ia u Blang la bat da u myntri Synteng Nongdhar.
Ia kane ka jinglehniam ha Iew duh mynta ka sngi la sakhi lang da u Syiem ka HIma Mylliem u Pa,im Ainam Manik Syiem, ki myntri jong ka himan bad ki paidbah kiba la wan ban sakhi lang khamtam na ki san kur bad khatwei kur.
