Shillong, Naiwieng 21: Hadein ba ioh jingujor baki paidbah ki lah shah thok da kaba shah pynngop ha ka kam pisa da ka ba kular ban ai nong shibun tangba ka da ka jingthep pisa barit lyngba ki Company lane ki online gaming ,online trading kiba thok
Ka KSU jong ka EJHDU ba la lam khmat da u Samla Pynshai Kupar Dkhar Asst.General Secretary KSU EJHDU , Samla Rangbah Shaniahskhem Dkhar Finance Secretary bad u Samla Shwari Ryngkhlem ki la ia kynduh ia u Branch Manager ka State Bank of India(SBI) Ladrymbai.
Kane ka long kyrpad bad ruh ban iatrei lang bad ka seng da kaba pynlong da ka awareness program halor kine ki fraud cases sha ki paidbah ka thaiñ East Jaintia Hills District ki ban kynthup naduh ki khynnah skul, ki khynnah leit klass bad ki rangbah ki longkmie kumjuh.
Shuh shuh kumjuh ruh khnang ba kin lait na ki jingshah pynbeij ha ki Company, online Earning apps lane ki briew ba kular ban pynioh nong shi phew shah na ka jingpynlut ba khyndiat.
Na ka liang u branch manager ka State bank of India Ladrymbai branch u pdiang sngewbha iaka jingtyrwa ka seng bas kular ban iasnoh ktilang bad ka seng ban ai jinghikai ia ki paidbah ban lait na ki briew ba thok ba kwah ban bam pisa ei khlem da pynmih syep na ka met lane khlem da ka pyndonkam ia ka jabieng. Ka KSU ka kyntu ruh kumjuh ia ki paidbah ban husiar bha ia kino kino ki jait Company lane ki briew ba wan ban khroh ia ki ban kamai suk.
