Shillong, Naiwieng 24: Ki nongtrei ASHA hapoh shatri ka Meghalaya ASHA Workers Union (MAWU) hynne ka sngi hadien ba ki la ioh ban shong EC Meeting ki la shim rai ban weng noh ia ka jingiakhih shong kyllain mongor ba la pynbeit ban pynlong ha khmat ka khyrdop Main Secretariat Shillong ha ka 27 tarik mynta u bnai.
Ka president jong ka MAWU ka Kong Mira June Myrsing haba kren sha ki lad pathai khubor ka la pyntip, Haba ia dei bad kane, ki ASHA ki la rai ban leit phai noh shala ki jaka trei hynrei ki la pynpaw ba ka jingialeh ban dawa kyntiew ia ka bainong jong ki kam pat kut satia.
Shuh shuhka kong Mira June Myrsing ka la ong ba ki ASHA kin ap ia ka 3 bnai ba ka Myntri ka tnat ka koit ka khiah ka pan na ka bynta ban iasyllok bad ki Dorbar Shnong ha shuwa ban pyntreikam da ka skhim thymmai ka Community Base Health Incentives.
Ka la ong Kumba ka Myntri ka tnat ka koit ka khiah ka la pan por, ki ASHA ruh kin ap ia ka Sorkar ban pynbeit, kumno ban pyntreikam ia ka Community Base Health Incentives bad hadien kane ngin sa lah ban rai, la ngi hun ne em ia ka jingkyntiew T. 1000 ka bainong.
