Shillong, Nohprah 04: Ryngkat bad ka pyrthei baroh shityllup ka ophis jong ka District Social Welfare Officer jong ka East Khasi Hills, Shillong mynta ka sngi kala pynlong ia ka jingrakhe ia ka sngi burom kiba duna dkhot met hapoh ka shnong Mawtap jong ka Sohiong.
Ka phang pdeng jong ka jingrakhe mynta u snem ka long “ da ka jingiatreilang ban poi sha ka thong jong ka jingjop ha ki kam pynroi” ia kane ka jingrakhe la pynlong ha shnong Mawtap, Pyllun, Sohiong C&RD Block.
Ha kane ka sngi ka kong S. Bang, District Programme Officer, ICDS Cell jong ka East Khasi Hills District kala long ka kongsan , ka kong E. Kharchandy, District Social Welfare Officer, East Khasi Hills, u bah R. C. Lyngkhoi, Rangbah Shnong, Mawtap Pyllun, ka kong B. Kharbuli na ka District Legal Services Authority, East Khasi Hills kala don lang ryngkat ki paidbah nongshong shnong.
Ha kane ka sngi kala don ruh ka jingai jingsumar ei ia ki paidbah nongshong shnong da ka jingiatreilang bad ka Sohiong Community Health Centre, ha kane ka jingrakhe kaba la long baroh shisngi la pynkut da kaba sam ia ki khusnam.
