PMs remarks at the G20 Development Ministers meeting via video conferencing on June 12, 2023.
New Delhi, Nohprah 09:U Myntri Rangbah duh, u Narendra Modi u la iakren bad ki nongioh jingmyntoi jong ka Viksit Bharat SankalpYatra (VBSY) lyngba ka video conferencing mynta ka sngi.
La sdang ia ka Viksit Bharat SankalpYatra ha kylleng ka ri ban pynpoi pura ia ki skhim ba kongsan jong ka sorkar da kaba pynthikna ba ki jingmyntoi jong kine ki skhim ki poi sha baroh ki briew kiba dei hok ban ioh ha ka por kaba biang.
Ha ka jingai jingkren ha ka jingialang, u Myntri Rangbah duh u la kdew ia ka mynsiemshitrhem ba la sakhi da ka kali ‘Modi Ki Guarantee’ ha man ka shnong. Haba kynmawia ka jingiakren jong u bad ki nongioh jingmyntoi dang shen.
U Myntri Rangbah duh u la iathuh ba palat 1.5 lak ngut ki nongioh jingmyntoi ki la iasam ia la ki jingshem jong ki ha kane ka jingiaid lynti. U la kdew ia ki jingmyntoi kum ka jingioh iing sah ba paka, ka jingpynpoi um kor, painkhana, ka jingai jingsumar ei.
Ka jingsamei ia ki mar bam, ka gas connection, ka jingpynpoibordingelektrik, ka jingplie bank account, ki jingmyntoi hapoh ka PM KisanSammanNidhi, PM FasalBimaYojna, PM SwanidhiYojana, bad ki PM Swamitva property card bad kiwei kiwei.
U la ong ba da ki klur tylli ki longiing ha ki shnong ha kylleng ka ri ki la ioh ia ki jingmyntoi jong katto katne ki skhim jong ka sorkar khlem da donkam ban leit mih man ka por sha ki ophis sorkar.
U la ban ruh ba ka sorkar ka la ithuh ia kiba dei ban ioh jingmyntoi bad hadien ka shim ia ki sienjam ban pynpoi ia ki jingmyntoi sha ki. “Dei namar kata ba ki briew ki ong, Modi Ki Guarantee kamut ka jingpynthikna ia ka jingpynurlong,” u la bynrap.
“Ka Viksit Bharat SankalpYatra ka la long ka rynsan kaba biang tam ban poi sha ki briew ki bym shym la iasoh bad ki skhim jong ka sorkar haduh mynta,” la ong u Myntri Rangbah duh.
U la iathuh ba ka jingiaid lynti jong ka VBSY ka la poi palat 40 hajar tylli ki panchayat ha ki shnong bad bun tylli ki nongbah ha tang shi bnai duna ha kaba palat 1.25 klur ngut ki briew ki la iasoh bad ka kali ‘Modi ki Guarantee’.
U la iarohia ka jingsngewnguh jong ki briew kiba la pdiang ia ka kali ‘Modi ki Guarantee’. U Myntri Rangbah duh u Modi u la kren ruh shaphang ki prokram bapher bapher ba la pynlong hashuwa ka jingsdang jong ka prokram bad u la kren shaphang ki prokram jingpynkhuid ba la pynlong.
Ki PrabhatPheri ba la sdang na ka bynta ban ai jinghikai, ki khynnah kiba iakren shaphang ka India kaba la kiew ha ki jingialang ha ki skul, ki rangoli ba la shna, bad ki sharak ba la pynmeh ha ka jingkhang jong man ka iing.
U Modi u la pynpaw ka jingkmen ba ki Panchayat ki la thaw ia ki committee ba kyrpang bad shim ia ka bynta ba kongsan ban pdiang ia ka VBSY. U la iaroh ruh ia ka jingiashim bynta jong ki khynnah skul kumjuh ruh ki riewrangbah bad pynpaw ka jingsngewhun ba ka VBSY ka la poi sha man ki kyndongkynshrot jong ka ri.
U Myntri Rangbah duh u la iohi ruh ba la pdiang ia ka Yatra da ki jingshad tynrai ha ki jaka bapher bapher jong ka Odisha bad u la kren shaphang ka prokram ba la pynlong ha Rambrai ha West Khasi Hills ha kaba ki briew jong ka thain ki la pynlong ia ka prokram deiriti bad jingshad tynrai.
U la kren ruh shaphang ki prokram tynrai ba la pynlong ha Andaman and Nicobar Islands, Lakshadweep, bad Kargil ha kaba palat 4,000 ngut ki briew ki la iadonlang ban pdiang ia ka VBSY.
U Myntri Rangbah duh u la ai jingmut ban pynkhrehia ka rynsan ha kaba lah ban pyni ia ki kam bad lah ban iohi ia ka jingseisohshuwa bad hadien ba la poi ka VBSY. “Kane kan iarap ruh ia ki briew ha kito ki thain ha kaba ka kali jingpynthikna kam pat poi.”
U Myntri Rangbah duh u la kren shaphang ka jingkut jingmut jong ka sorkar ban pynthikna ba man u briew ha ka shnong ki dei ban poi sha ka kali ‘Modi Ki Guarantee’ haba ka wan poi khnang ba ka jingkut jingmut ban pynpoi pura ia ki skhim jong ka sorkar yn lah ban pynurlong.
Ha kaba iadei bad ka jingseisoh jong ki sienjam jong ka sorkar ba lah ban iohi ha man ka shnong, u Modi u la iathuh ba jan 1 lak ngut ki nongioh jingmyntoi ba thymmai ki la aplai ban ioh ia ka gas connection ka bym donkam jingsiew hapoh ka skhim Ujjwala.
La pynioh palat 35 lak tylli ki Ayushman Card, la pynlong ia ki health Checkup ha kaba da ki lak ngut ki briew ki la ioh jingmyntoi, bad bun ki briew mynta ki leit sha ki AyushmanArogya temple bad na ka bynta ki test bapher bapher.
“Ngi la sdang ia ka jingiadei, ka jingiajan hapdeng ka sorkarpdeng bad ki briew jong ka ri,” la ong u Modi. “Ka sorkar jong ngi kam dei ka Mai-BaapSarkar, hynreikadei ka sorkar kaba ai jingshakri na ka bynta ki kmie ki kpa,”.
U la ong da kaba bynrap ba “Ki VIP jong u Modi kidei kito kiba duk ba suk, kiba jynjar bad na ka bynta kiba iakynduh ia ki jingkhang kiba khang haba ki leit sha ki ophis,” U la ban jur ba man u briew ba duk ha ka ri u dei u VIP hakhmat jong u.
“Man ka kmie, ki hynmen ki para kynthei bad ki khun kynthei jong ka ri kidei ki VIP hakhmat jong nga. Man u nongrep jong ka riudei u VIP hakhmat jong nga. Man u samla jong ka ri udei u VIP hakhmat jong nga,” la ong u Modi.
Haba kren shaphang ki elekshon sha ka iing dorbar thawain ba dang shu kut shen, u Myntri Rangbah duh u la ong ba ki resol jong ka elekshon ka pyni shaiia ka jingiahap jong ka Modi Guarantee. U la pynpaw ruh ka jingsngewnguh jong u sha baroh ki briew kiba la shaniah ha ka Modi Guarantee.
Ha kaba iadei bad ka jingduhjingshaniah ki briew ia kito kiba ieng pyrshah ia ka sorkar, u Myntri Rangbah duh u la ong ba kine ki briew ki mlien bha ban wanrah ia ki jingkamlamler.
U la ong ba hap ban jop ia ki elekshon ym ha ka social media, hynrei ban poi sha ki briew, “Hashuwa ban jop ia ki elekshon, kalong kaba kongsan ban ioh ia ka jingieid jong ki briew,” la ong u Myntri.
U la ong ba lada ki party ba don ha ka liang pyrshah ki la peit shua ia ka jingai jingshakri ha ka jaka jong ka jingmyntoi ha ki kam sain pyrthei, bun ki briew ha ka ri kin ym sah ha ka jingduk bad ki Modi Guarantee kiba mynta ki lah dei ban urlong 50 snem mynshuwa.
Haba kren shaphang ka jingphaikhmat sha ka roi ka par ba ialam da ki longkmie, u Myntri Rangbah duh u la ong ba bun ki NariShakti ki iashim bynta ha ka SankalpYatra of Viksit Bharat.
U la ong ba ki don 70 percent ki longkmie kiba ioh jingmyntoi na ki 4 klur tylli ki iing ba la shna hapoh ka PM Awas Scheme. 7 na ki 10 ngut kiba ioh jingmyntoi na ka Mudra ki dei ki longkmie bad kumba 10 klur ngut ki longkmie ki long dkhot jong ki self help group.
2 klur ngut ki longkmie mynta ki dang kylla sha ki LakhpatiDidi lyngba ka jingkyntiew ia ki sap bad 15 hajar tylli ki self help group kin ioh ia ki drone hapoh ka Namo Drone DidiAbhiyan.
U Myntri Rangbah Duh u la iarohia ka jingkyrshan jong ka bor jong ki longkmie, ka bor jong ki samla, ki nongrep bad kiba duk ba suk kaba ki la ai ia ka Viskit Bharat SankalpYatra.
U la ong ba u hun ba palat shi lak ngut ki nongialehkai ki dei kiba la shah pynkup burom ha kane ka jingiaid lynti bad ba kane kan ai mynsiem ia ki nongialehkai ba dang khynnah.
U Myntri Rangbah Duh u la kdew sha ka jingkhmih lynti ki samla ban kyntiew kyrteng ialade kum ki ‘My Bharat Volunteer’ bad u la ong ba kane ka pynkhlain ia ka jingkut jingmut ban don ka India kaba la kiewshaphrang.
“Baroh kine kiba trei mon sngewbha mynta kin iaidshaphrang ha ka mantra Fit India,” la ong u Myntri Rangbah Duh da kaba kyntu ruh ia ki ban peit bniah ia saw tylli ki kam kiba long ka um, ka bam kaba tei met, ka jingkilan met bad ka jingioh ka thiah ka dem kaba biang. “Kine saw tylli ki long kiba kongsan bha na ka bynta ka met ka phad kaba khlain.
Lada ngi peit bniah ia kine, ki samla jong ngi kin long kiba shait ba khlain bad haba ki samla ki long kiba shait ba khlain, ka ri kan long kaba shait ba khlain,” la ong u Myntri Rangbah Duh.
U Myntri Rangbah duh u la ban ruh ki jingbamsmai ha kane ka Viksit Bharat SankalpYatra ki dei ban long ki nongrim jong ka jingim. “La kidei ki nongtrei sorkar, kinongmihkhmatpaidbah lane ki nongshong shnong, baroh kidei ban iatyllilang da ka jingskhem jingmut. Ka India kan kiew tang lyngba ka SabkaPrayas”, la pynkut u Modi.
