Shillong, Nohprah 11: Ka dorbar shnong nongmynsong mynta ka sngi ha shuwa ba pynlait paitbah ïa kane ka truck kit ñuid ka la pynlong ruh ïa ka jinglynkhuid shnong kaba la juh ban pynlong man la u snem.
Ha kane ka sngi ba pynlait paitbah ia ka kali kit da u MDC u bah Fantin Lakadong kumjuh ruh la wan synran lem ka myntri ka koit ka khia ka sorkar jylla ka kong Ampareen Lyngdoh. Ha ka jingïadonlang ki nongkit kam shnong ka dorbar shnong ki paitbah nongshong shnong ka shnong Nongmynsong.
U Rangbah shnong ka shnong Nongmynsong u bah Phrang Warjri u la pyntip ba ka dorbar shnong nongmynsong ka ïoh biang ka kali kit nuit jong ka shnong hadien 20 snem, mynshuwa kala don tang kala duh noh bad mynta pat la ioh biang ia ka kali kit niut ban pyndon kam ka shnong.
U bah Fantin Lakadong haba ai jingkren ha kane ka jingialang u la ai ka ki kyntien kyrkhu kyrdoh ïa ka shnong bad ki nongialam ba ha khmat jong ka bad ruh u la ai kyntu kynpam ruh ban pyndonkam hok ïa katei ka kali kit nuit.
La ong ba dei ban pyndon kam na ka bynta ka jingbit jingbiang ka shnong ka thaw bad ong ruh ba ka khuid ka suba ka long ka ba kongsan bad ka ba donkam eh. Da kaba ong ba haba don ka khuid ka suba ka koit ka khiah ka don ha ka shnong ka thaw.
