Shillong, Nohprah 13: Ki kynhun shipai BSF kiba dei na ka 193 battalion ha ka 12/12/2023 kila ioh ban bat ia kawei ka trok na khappud Bangladesh na ka shnong Dulainala bad haba plie ia ka jingtap la shem ba ki don da ki jain suba kiba la thmu ban phah sha Bangladesh.
Kane ka shnong ka don ha East Khasi Hills District bad ki jain kiba la ioh ban kurup kila kot sha ka T.35 lak tyngka, ki BSF kila kem ia u nongniah kane ka trok namar ba u khlem lah ban pyni ia ki kot ki sla kiban pynshisha shano ban phah ia kine ki jain.
Na ka liang jong ki BSF ha dien ba kila pyndep ia ki kyndon baroh kila aiti sha ki pulit jong ka Dangar Police Out post ia ki jain bala ioh ban kurup bad ia nongniah ka trok ban leh ia kaba don kam katkum ka ain.
