Shillong, Nohprah 14: Ka kong Ampareen Lyngdoh ka ba ka seng saiñ pyrthei National People Party (NPP) ka la sngewdei ban pynïakhun kum ka kyrtong jong ka party na shillong seat ha ka election MP kaban sa long ha u snem 2024.
Ha ba kylli ki nongthoh khubor halor kumno ka jingpynkhreh jong ka haba iadei bad ka election MP. Ka kong Ampareen Lyngdoh ka la ong ba ka jingpynkhreh jongka ka dei ka jingim jongka bad watla katta ruh ka dang donkam shuh shuh ban dang pynkhreh khambha. Kala ong ba ka la long ka ba pynkhreh.
Shuh shuh ka la ong ruh ba haba ka party ka la ibit ia ka ban long ka kyrtong sha ka election MP. Ka hap ban leit Sha man ki shnong katba lah hapoh kine ki khyndiat bnai ba sah shuwa ka election.
Ka la ong ba ka la dep tyrwa la ka jong ka mon na ka bynta jongka shillong parliamentary seat ba hapoh ka jylla. Ka la pyntip ruh ba ka kong Ampareen kan sa sdang ia ka campaign ha ta taïew ba nyngkong ne ba ar jong u bnai January 2024.
“Nga kyrmen ki paitbah kin pdiang ïa nga kum ka candidates jong ka seng” Ka kong Ampareen ka la ong ba kan dei ka sien ba nyngkong ka longkmie na shillong parliamentary seat kan long ka nongjop ha ka election MP.
