Shillong, Nohprah 18: Ka Meghalaya Speed Skating Association [MSSA] kala pynkutnohïa ka jingïakopkaba la tip da ka 2nd Meghalaya Open Speed Skating Championship 2023Ka MSSA kala pynkut noh ia ka jingialehkai ha kaba ki nongiashim bynta kila don 50 ngut baroh.
Ia kane ka jingialehkai la pynlong ha madan skul jong ka St. Anthony’s ha Laitumkhrah, ki khynnah kiba ïa shim bynta katkum ka snem ha ki kyrdan bapher bapher, bad ruh na ki skul jong ki district bapher hapoh ka jylla.
Lyngba kane ka rynsan, ki khynnah ki la lah ban pynpaw pyrthei ïala ka jong ka sap ka phong kaba ki don, la ka dei ha ka liang ka jingsted ban skate bad kiwei kiwei ruh de. kane ka jingiakop kala iarap shibun ha ka ban wanrah bad pynshlur ïa ki khynnah ban don ïa ka mynsiem ïaleh hapdeng jong ki bad kumjuh ruh ban nangpynkiew shaphrang ïa kane ka jingïalehkai khamtam eh ha kane ka jylla.
Haba ai jingkren ha katei ka sngi na ka liang jong u Bah Suklang Dkhar-President jong ka Meghalaya Speed Skating Association ha kajuh ka por u General Secretary jong ka Meghalaya Roll Ball Association, u la pynpaw ïa ka jingsngewkmen ha ka ba kane ka jingiakop kala long kaba seisoh ba ki nongïashim bynta ki lahlehkai bha met bad mynsiem bad don kam ban dang iai trei shitom.
La ïoh ban sam khusnam da ki takma ryngkat bad ki Syrnot sha ki lahduh kiba la jop ha ki kyrdan bapher bapher. Shuwa ban pynkutna ka liang jong ka Association ka la pynpawïa ka jingsngewsnguh ka bakhraw ïa baroh ki dkhot nongkitkam, naduh u Principal jong ka St. Anthony’s Higher Secondary School, ki kmie ki kpa bad baroh ki nongïashim bynta.
