Shillong, Nohprah 18: KA Bouncer Association of Meghalaya ha ryng kat ka jingiatrei lang bad ka Treilang Welfare Society kan pynlong ia ka Shillong Arms Fight, All India Championship ka ban sdnag na duh ka 19 tarik bad kut pat ha ka 21 tarik Nohprah 2023.
Ha kane ka jingiakop yn wan ban ia shim bynta da ki khlur ia khun kti ka Jylla bad kum juhruh ki bana bar ka jylla. Ia kane ka Arm Fight la ai jingkyrshan da ka tnad ialehkai ka sorkar jylla bad kum juhruh kiwei kiwei ki riewtrei mano sngewbha ia ba don ia ka mynsiem iarap.
Ha bakren sha ki nongthoh khubor na ka liang u bah Junestar Kharbuli u badei u President jong Ka BAM u la ong ba ka jingthmu jong ka Association ka long ban khot ban wer ia baroh ki Arm Fight ki bana Shillong bad kumjuh ki bana bar Shillong ba kin wan sha kane ka Arm fight ka ban sa long ha poh ka State Central Library.
U la ong ruh ba ha kane ka Arm Fight yn wan ban ia shim bynta da ki khlur bapaw jong ka Bollywood bad kum juh ruh kiwei kiwei ki pat ki ba dei na sha bar ka jylla, kumta u la buh ka jingkyrpad ia ki samla ka jylla ba kin wan sha kane ka Arm Fight.
U bah Kharbuli u la ong ruhba ha kane ka Arm fight kandon ka jingai khusnam da ka pisa T.2.15 lak tyngka sha ki nogjop ka ban long ha la ki jong ki jong ki kyrdan.
U la ongruh ba ha ka 19 tarik kan don ka jingthew iabaroh ki ban ia wan shim bynta ha kane ka Arm Fight bad ha ka 20 tarik yn sdnag ia kane ka jingialeh kai, ha kane ka sngi sdnang jong kane ka Arm Fight yn wan ban plie pyrda da ka Kong Ampareen Lyngdoh ka dei ka Myntri jong ka SorkarJylla bad Ynpynkut pat ha ka 21 tarik ha kaba yn wan ia don lang da u Chief Minister ka Jylla U Conrad Sangma.
U bah Kharbuli u la ong ruh ba ha ka 20 bad 21 tarikkan don ruhka jingpyni nam ia ki jing bam tynrai jong ngi ki khasi bad kan donruh ka jingpyni namia ki jingialeh kai tynrai.
