Shillong, Nohprah 29: U bah Sainkupar Nongtraw u General Secretary ba dei ruh u nongai ktien ka seng lehnoh HNLC u la kynthoh ba ka jingkhang dam ka sorkar ia ka MCCL ka dei tang ka buit sain pyrthei.
Haka kyrwoh kaba la phah mynta ka sngi sha ki lat pathai khubor u bah Sainkupar Nongtraw u la ong ba ka seng HNLC ka pynrem jur ia kane ka jingleh ka sorkar jylla ban shim ia ka rai ban khang khyrdep noh ia ka MCCL Ltd kane kajingleh ka long na ka bynta ka jingmyntoi jong no re jong no.
Ka sorkar ha ka jaka ba kan pynbha ia ka MCCL Ltd hynrei kala shim pynban ia ka rai ban khang khyrdep ia kane ka jaka shna dewbilat bad kane ka jingleh ka long kumba peit poh ia ki riewlum bad ia ka jingsngew.
U nongialam jong ka seng HNLC u kynthoh ba kane ka wan rah ia ka jingartatien ba kumno kin pyniaid ia ki kam ha ka jylla namar ba kim lah ban pyniaid ia kane ka karkhana kaba la ieng slem bha dei na kane ka daw la ia ka jylla Meghalaya ka wan ba ar ha ka jingduk hapoh ka Ri India.
U tei u nongialam ka HNLC u ong ba u don kata ka jingiohi ba kan sa mih ka jingia kynad ha ka jingiaknieh ia ka khyndew bad ia ka ioh kam ioh jam ha pdeng ki riewlum kiba dei ki trai shnong bad ki byndei ki trai shnong bad kane kan wanrah ia ka jingsngew kutlat ha ki samla.
U Bah Sainkupar Nongtraw u la ong ba lada ka sorkar ka khang dam noh syndon iaka MCCL Ltd, ba u MLA jong ka Sohra u bah Gavin u dei ban shim ia ka jingkit khlieh bad u dei ban hiar shuki noh kum u MLA, ia mynta kim shym la ioh ba kan don da kawei pat ka lynti ban pynim ia katei ka karkhana pynmih dewbilat, ka sorkar ka dei ban sangeh syndon ia ki jingkren ia ki ktien jail jaum hynrei kiar pat ia ki jingshisha.
