New Delhi, Nohprah 30: U snem 2023 u dei uba kongsan bha na ka bynta ki kam khajna hapdeng ki ri namar ki code kiba iadei bad ki kam khajna kiba la palat shi spah snem ki dei kiba dang pynkylla lyngba ka jingiamir jingmut hapdeng ki ri.
Ki briew ha kylleng ka pyrthei ki la kren shai ba ki ain kiba don mynta ki dei ki bym iahap shuh bad kumtakim lah ban pynbeit ia ki jingeh kiba iadei bad ki kam khajna ha kane ka juk mynta kaba bun ki kam digital bad kiba iadei bad ka ioh ka kot kaba iadei bad ka pyrthei baroh kawei.
Namar kane, ka bor jong ka jingiatreilang ki ri ka la paw ha ka jingiatreilang ha ki kam khajna, da kaba sdang da ka Base Erosion and Profit Shifting project.
Ki la don ki sienjam kiba heh ban saindur ia ki jingpynbeit ia ki jingeh jong ka ioh ka kot kaba iadei bad ki kam digital. Ki jingpynkyllaia ki polisi kiba iadei bad ki kam khajna pat ki dei tang ka jingsdang na ka bynta ka jingtlot bor bad ki bor kiba peit ia ki khajna baritbaria.
Ka Indian Presidency ka la kdew ba ka bor ha ki kam khajna jong ki ri ba dang kiew ki long kiba kongsan bha ia ka jingseisoh jong kanokano ka jingpynkylla ha ki kam khajna hapdeng ki ri – ka jingpynurlong ia ka roi ka par bad ka jingkyntiew ia ki thong ban pyndonkam ia ki jingdon jingem ki long ki jingmyntoi kiba wan na kane.
Ka jingpynkhreh kam ban kyntiew ia ka bor ha ki kam khajna ka dei ban wan shuwa ia ka jingpyntreikam ban pynthikna ka jingseisoh jong ki thong na ka bynta ka roi ka par kaba iaineh na ka bynta ki ri ba long dkhot kiba dang kiew. Ka jingkyntiew ia ka jinglah treikam ruh ka long kaba donkam bha – kaba pynthikna ba ym ieh dien ia kanokano ka kam khajna ha ki jingpynkylla ba wanrah.
Namar ka jingdon ha ka khep jong ka jingpynkylla jong ki kam khajna hapdeng ki ri, ki jingmyntoi ia ki dkhot ba iashim bynta na kane ka jingpynkylla ki lah ban wan tang lyngba ka jingiashim bynta lang ha ka jingsaindur ia ki jingpynkylla.
Ka jingkyntiew ia ki jinglah treikam jong ki bor ba dei peit ia ki kam khajna na ki ri kiba dang kiew ka long kaba donkam bha ban pynthikna ba ki jingiakren hapdeng ki ri ki wanrah ia ka jingsaindur ia ki kam khajna kaba ryntih, kaba katkum ka juk mynta.
Ha ryngkat ki polisi kiba iadei bad ki kam khajna, ka jingkyntiew ia ki jinglah treikam ha ki kam khajna ka plié lad ruh ia ka jingshim ia ki rai da ka jingsngewthuh kaba shai.
Kane ka long kaba donkam bha namar bun ki ri ba dang kiew, ha ki por ba laleit, ki la shem jingeh bha namar ka jingwanrah ia ki ‘polisi ki bym bha’ lane ki polisi ki bym iahap bad ki jaka treikam.
Khnang ban kyntiew ia ka bor ban iashim bynta ki bor ba dei peit ia ki kam khajna bad ka jingplie lad ia ka jingshim ia ki rai ha ki polisi na ka bynta ki jingpynkylla kiba ryntih ha ki kam khajna, khamtam ia ki ri long dkhot ba dang kiew.
Ka Indian Presidency ka la pynlong ia ka prokram ban sngewthuh ia ki jingktah jong ka Two Pillar Solution for the Global South ha u bnai Jylliew, 2023 ha ka jingiatreilang bad ka South Centre, ka kynhun jong ki ri ba dang kiew kaba treikam na Geneva.
Hadien kane ka prokram kaba nyngkong, ka Presidency ka la pynlong ia ka regional workshop kaba lai sngi halor ka International Taxation naduh ka 3 haduh 5 tarik u Risaw, 2023 ha ka jingiatreilang bad ka Asian Development Bank bad ka World Bank, hapoh ka Asia Pacific Tax Hub framework.
Ha kane ka prokram la wan iashim bynta da ki bor ba dei peit ia ki kam khajna bad kito kiba shna ia ki polisi na 20 tylli ki ri ba dang kiew na ka thain Asia Pacific, ba kynthup ruh ia ki delegate na ki ri long dkhot ki bym iashim bynta ha ki jingiakren ba mynta hapoh ka OECD/G20 Inclusive Framework.
Hadien ba la pynlong ia ki prokram ba kyntiew ia ka bor treikam hapoh bad shabar ka ri, ka Presidency ka la ithuh ia ka jingkongsan ban ai bynta ia ka G20 Membership ha ka jingiakren shaphang ki polisi kiba iadei bad ka jingkyntiew ia ka bor treikam bad ka two-pillar solution.
Ha ka jingiatreilang bad ka International Monetary Fund (IMF), la saindur ia ka G20-IMF High Level Dialogue on Capacity Building bad ka Two-Pillar Solution ban pyni ia ka rukom treikam hapdeng ki ri ban kyntiew ia ka bor ha ki kam khajna ha ki jaka treikam.
Kane ka jingiakren halor ki polisi, ba la pynlong ha ka jingialang ba 4 jong ka G20 Finance Ministers and Central Bank Governors ha u Risaw 2023, ka la wanrah lang ia ki Deputy bad ki nongmihkhmat na baroh ki ri long dkhot ka G20, ki ri ba khot sngewbha bad ki kynhun kiba treikam ha ki ri bapher bapher.
Ha ka jingai jingkren ha kane ka prokram, ka IMF ka la ban jur halor ka jingbuhnongrim ia kane ka jingiakren shaphang ka jingkyntiew ia ka bor ha ki kam khajna halor ka ki nongrim ba kongsan ban pyntreikam ia ki jingpynkylla ia ki kam khajna hapdeng ki ri.
Ka jingpynsuk ia ki kam, ka jingsaindur biang ia ki jingmyntoi na ki kam khajna bad ka jingpyniar ia ki kam kiba kongsan ba hap pynkylla bad ka jingban jur ruh ia ka jingieng skhem ka Fund ha ka jingiatreilang ban kyrshan ia ki jingpynkylla bad ka jingpyntreikam ia ki bad baroh kiba iadon bynta ha kane ka kam.
Ka OECD ha ka jingai jingkren jong ka, ka la pdiang ba ym lah ban don kawei ka jingpynbeit kaba iahaplang ia baroh ha kaba iadei bad ka jingkyrshan ia ka jingpyntreikam bad ka la batai bniah ia ki sienjam ai jingkyrshan ia ki jingpyntreikam ba la leh lyngba ka sienjam Tax Inspectors Without Borders (TIWB).
Ki panellist na ka United Nations, ka United Kingdom, Indonesia bad ka World Bank ki la iakren shaphang ka kam na ka bynta ka jingkyntiew ia ka bor treikam ha kaba iadei bad ka two-pillar international tax package bad ki la kdew sha ka jinglah pyntreikam bad ki jingmyntoi ia ki ri ba dang kiew.
Katkum ka jingpdiang ia ka jingsaindur ia ki lad kiba don ha ka two-pillar package, ka jingpyndonkam ia ki rukom treikam ba kham suk ban iada ia ki kam khajna ia ki kompani (katkum ka bor), bad ka jingsaindur biang ia ki jingmyntoi kiba wan na ka khajna na ka bynta ki jingbei tyngka.
Ka United Nations ka la ong ba ka jingdonkam jong ki ri ba dang kiew kam dei kaba lah ban pynbeit da kaba suk lyngba ki atiar kum ka Khajna Withholding. Ka United Nations ka la ong ruh ba ka jingstet jong ka jingpyntreikam iakanokano ka jingpynkylla ha ki kam khajna hapdeng ki ri ka dei ban iapher namar ki jingiapher jong ki bor ha ki kam khajna ha ki jaka treikam bapher bapher.
Ka Indian Presidency, lyngba ka jingniewkor ia ka jingkiew ka bor ha ki kam khajna ha ki jaka treikam ba dang kiew, baroh shi snem jong ka Presidency ka la buddien ia ka jingkyntiew ia ka bor treikam ha baroh ki bynta, lyngba ka jingai jinghikai da kaba iatreilang bad ki kynhun na ki ri bapher bapher bad ruh ka jingpynkhreh kam ban kyntiew ia ka bor ha ki kam khajna ha ryngkat kito kiba iadon bynta ha kane ka kam.
Ka jingkongsan jong ka jingkyntiew ia ka bor treikam ha ki kam khajna jong ki ri ba dang kiew ka dei kaba la paw shai lyngba ka Staff discussion note jong ka IMF ha u Nailur, 2023 kaba ong ba ‘9% ka jingkiew ka point ha ka tax-to-GDP ratio ka lah ban urlong lyngba ka jingpynkylla ha ki kam khajna bad ka jingkyntiew ia ka bor treikam’ khamtam ha kaba iadei bad ki Low Income Developing Countries (LIDC).
Ka rukom treikam ka Indian Presidency ban pyniasoh lang ia ka jingpynkylla ha ki polisi kiba iadei bad ki kam khajna bad ka jingpeit bniah ia ka jingkyntiew ia ka bor treikam ha baroh u snem 2023 ka la wanrah ia ka jingtrei ban kyntiew ia ki jingkamai na ka bynta ki ri ba dang kiew.
Ka Presidency ka la peit bha ia ka jingkyntiew ia ka bor ha ki kam khajna jong ki ri ba dang kiew khnang ba kine ki ri kiba dang kiew ki lah ban bei tyngka ia ki thong sustainable development goal jong ki khlem da hap ban phai sha kiwei kiwei ki jaka.
Ka India, hadien u snem jong ka Presidency, kan bteng ban iatrei lang bad kito kiba don bynta ha kane ka kam na kiwei kiwei ki ri bad ki ri long dkhot kiba kwah ban kyntiew ia ka bor ha ki kam khajna.
Ka kam lum khajna kan dei ka bynta kaba khraw ha ka jingiaid shaphrang jong ngi bad ka long kaba kongsan bha ia ka thain shathie ha ka jingpyndonkam ia ki jingdon jingem na ka bynta ka roi ka par kaba niewkorshuwa ia ki briew.
U RasmiRanjan Das u dei u Chief Commissioner of Income-tax bad ka Uma Maheswari R ka dei ka Additional Commissioner of Income-tax, Sorkar India.Kineharum ki dei ki jingsngew shimet jong ki nongthoh.
