Shillong, Naiwieng 12: Ka Bataw Youth Welfare Spoet Club East Jaiñtia Hills District, myn ha ka sngi Saitjain kala pynlong ïa ka jingialang ba kyrpang ha East Side Inn Hotel, East Jaiñtia Hills District, ha kane ka jingialang la pynkup burom ïa u rang ialehkai kynjat boll ba paw, u ba ialehkai na kawei ka club kaba na Mumbai u samla Halen Nongtdu Mumbai City FC).
Haba kren ha kane jingialang u rangbah shnong Bataw, u bah Skhem Sumer, u President jong ka Bataw Youth Welfare SC, u bah Martin Lyngdoh bad u Secretary jong ka Club, u bah Almigh tBiam, ki la ai ka jingkhublei kitbok kitrwiang ïa u samla Halen Nongtduba un nanglah ban iaid shaphrang ha ka kamialehkai kynjat boll.
Ha kane ka jingialang kila pynpawruh ka jingsngewkmen ba une u samla u la wanrah ïa ka nam ka burom ïa ka district bad ia ka jylla hi baroh kawei, ha kajuh ka por u waheh shnong u ai khublei ruh ïa u bah Streamly Suchen, u bah Shaniahskhem Dkhar bad kiwei kiwei kiba juiarap lem ïa ka Sport Club ha kiba bun ki liang.
Na ka liang u samla Halen Nongtdu u la ai mynsiem ïa kiwei kiwei ki para samla bad ong ruhba ka sport kamkut tang hangne, mynta lei balah don ka madan Artificial Turf ha Deiñchynrum ki samla kimdei ban duh jingkyrmen hynrei ban treishitom ban poi sha ka thong.
La ong ruh ba don bun ruh ki lympung ialehkai, ymdei tang ha ka kynjatboll hynrei ha kiweikiwei ki jait sport ruh” u la bynrap.U la ai ka jingkhublei ïa kiba ha iing ha sem , ïa ki paralok baroh kiba ju ai mynsiem bad kyrshan lem ïa u man ka por bad u la pynpawruh ba u la lah ban poi shaduh kane ka kyrdan ka dei ruh lyngba ka jingtreishitom jong u, u kyntu ïa kiwei ruh ki para samla ba kin long kiba treishitom ban kynjoh sha ka thong.
U samla Halen Nongtdu, u dei u samla u ba na ka shnong Byndihati, East Jaiñtia Hills District, uba la bat ïa ka kyrdan kum u Youth Ambasador banyngkong ha u snem 2021, u ba mihkhmat na ka ri India bad mynta u dei uwei na ki rang ialehkai football u ba ialehkai na ka Hero Indian Super League (ISL), Ka Club Mumbai City-FC, myn ha ka sngi saitjaiñ ka Bataw Youth Welfare Sport Club ka la pynkup burom ïa une u samla da ki khor ki khriam, ki jaiñtlem, ki jaiñ ryndia.
Kiwei ruh kiba ai jingkren ki kynthup u bah Streamly Suchen bad kiwei kiwei, ïa ka jingialang la pyniaid da u bah Ampli Rupsi u ba dei u Secretary shnong Bataw.Ha kane ka prokram u samla Halen Nongtdu u la pyllait ïa ki jersy kynjtboll kiba dei ki jersy jong ka Bataw Youth Welfare Sport Club bad kitbok kitrwiang ruh ïa ka BYWSC ba kannang kiew shaphrang.
