Shillong, Naiwieng 18: ka CoMSO Mynta ka sngi 18.11.2019 ka la leit buh jingthoh ha ka office u Chief minister ka jylla bad ruh ha baroh ki cabinent minister ka jylla halor ka jing pynkylla ia ka sixth schedule ka constitution .
Ka mat kaba kon
gsan eh kaba na ka liang Jong ka CoMSO ka la dawa ka long ban pynkylla ia ka paragraph 12A(b) bad ka paragraph 20 Jong ka sixth schedule. Naduh ba la pynlong ia ka jylla meghalaya kabor ban pyllait ne kyntait ne pynbeit ia ki Ain ka parliament ha ka Jylla la aiti noh ha u President katba mynshwa ha ka sixth schedule banyngkong ka don ha u Governor. Haduh Mynta Kane ka Bor ka dang don ha u Governor ha jylla Assam .
Ka sorkar jylla ka la kyntu ia president ka India ban pyllait (excempt) ia ka conservation of forest act bad ia ka mine and minieral (development & Regulation) act ha ki por ba la dep, kaba sngewsih ka long ba u president u la kyntait.
Te ngi sngewdei ba Kane ka Bor Kan wan phai biang ha u Governor Kumba long ka original Sixth schedule khnang ba Ka Jylla ka lah ban iada ia lade na ka jingtrei Kam ki Ain ka parliament khamtam eh kito kiba ktah ia ka Riti dustur, ka jinglong kyrpang , ka khyndew ka shyiap , ki marpoh khyndew , ki khlaw , ka jingrung kyrthlep ki poiwir bad ka Jing ioh long trai shnong ki poiwir Barri.
Ka jinglong jingman Jong ka sorkar kmie ha kine ki por Mynta hapoh ka Jing ialam ka BJP ka long kaba pynkhuslai Ia ki jylla rit bad ki jaidbynriew rit paid. Ka jingthmu Jong ka BJP ban wanrah ia ka CAB, ka Uniform Civil Code, ka central anti convertion law, ka jingkhang bam doh masi , ka Jing phah pule hindi.
Ka Indian Forrest amendment act 2019 bad ki wei ki long kiba mynsaw ia ka jylla Jong ngi . Kumta ngi don Kam ban Don lypa ka Jing ia ka Bor synshar ban iada ialade bad ngi lah ban leh Lada ka Bor ban kyntait ia ki Ain ka parliament kadon ha u Governor uba hap ha ka Jingaimut ka sorkar jylla bad ka Dorbar thawain ka jylla.
Ka Jingdawa pynkylla ia ka paragraph 20 ka long ban pynhap biang ia ka municipal area ne ki normal shillong area ha ka KHADC khnang ban beit ka synshar Trai Ri.
Ka CoMSO ka la dawa ruh ba ym bit ban shah ia Kita ki unrepresented Tribe ban shah thung MDC bad ia ki Dorbar shnong ym dei ban pynkylla dur da kaba wanrah ia Kita ki village council bad ki municipal council .
Ka kynhun ka pdiang pat ia ka jingthmu ban ai fund Sha ki distict council bad ki Dorbar Trai Ri lyngba ka artikel 280 bad ka kyntu ruh ban pyniong Lyngba ka article 275 . Ka mynjur ban treikam ka anti defection law , ka jingbym shah ban bat arkam (one man one post) bad ka Jingai kyrteng Noh ia ki District council Sha ka Territorial council.
