Shillong, Jymmang 20: Ka HYC education ce
ll seng kmie ha ryngkat ka HYC NEHU Unit mynta ka sngi ka la leit ban ia kynduh ia u Pro Vice Chancellor ka skulbah halor kiba bun ki jingeh Jong ki khynnah pule UG bad PG ha Ka jylla.
Hadien bala don ka jingkhang khyrdep iaki college bad ki skul hapoh ka jylla naduh u bnai Lber. Ka Seng lyngba ka dorkhas ba la ai mynta ka sngi lyngba u secretary ba dei peit ia ka pule puthi u samla Enlang Sawian.
Ha kane ka jingiakynduh kila iakren ruh halor ka jingthmu ban pynlong ia ki examine ha ka jylla katkum ka jingbthah naka University Grant Commission (UGC) ban pynlong iaki examine Jong ki university ha u bnai Naitung.
Ka Seng ka sngew ba ha Kum Kane ka por ba ka Ri India bad ki jylla ki dang shah ktah jur ha Kane klam jingpang COVID-19 Kan nym long kaba suk iaki khynnah pule ka jylla ban leit thoh iaki examine lada jia ba ki bor pyniaid Jong ka NEHU kin pynlong iaka examine ha u bnai July.
Kum ka Seng kaba don iaki jingsngew khiah naka bynta ka lawei Jong ki khynnah pule.. ha Kane ka jingiakynduh lyngba ka Dorkhas ka la ioh ban ai jingmut Sha ki bor pyniaid ka university ha kaba iadei bad ki jingthmu ban pynlong iaki examine kiba kynthup.
Ka HYC kala ong ba ki bor pyniaid Jong ka skulbah NEHU ki dei ban da pynlong shwa iaki physical class la kumno kumno 40 sngi ha shwa ka jingpynlong iaki examine khnang ba ki khynnah pule kin ioh iaki jingbatai naka bynta ki lynnong kiba kham khongsan.
Ki bor pyniaid Jong ka University Kim dei ban pynlong ia kino kino ki online examinations. Hynrei ki dei beit ban pynlong iaki examine ba ki khynnah kin lah ban wan thoh hi hala ki centres.khnang ba ki khynnah pule kiba don ha ki nongkyndong kin nym ia kynduh jingeh.
ka University Kan pynjynjur bad ai kylluid por iaki tarik na bynta ban siew iaki Bai semester bad Bai examine Jong ki khynnah pule bad kumjuh ruh ban map iaki Bai semester bad examine Lada jia badon ba ki khynnah kiba wan naki longiing ha khyrduh bad kynduh jingeh ban siew iaki Bai jingpule.
Ki bor pyniaid Jong ka University ha shwa ban pynbna iaki tarik ban pynlong iaki examination ki dei ban da pyntikna ba ki khynnah pule kin nym don jingeh ban wan thoh iaki examine.
Ki bor pyniaid Jong ka University kin thaw Mardor iaka COVID-19 Task force naka bynta ban peit bad sngap iaki jingeh Jong ki khynnah pule kiba don ha kylleng ka jylla ha kaba iadei bad ki jingpynlong iaki online classes bad kumjuh ki examine.
Ba Lada jia ba hap pynlong iaki examine, ha Kum kane ka por ba dang don ka jingpynjari iaka jingkhang dam bad ka pyrkhing iaka iaid ka ieng, ki bor pyniaid Jong ka University kin iakren bad ka tnad pule puthi Jong ka sorkar jylla.
Ban shah iaki khynnah pule ban pyni tang daki ID card lane ki Admit card. Ha ki check point Jong ki Inter District. khlem da donkam ban apply car pass na bynta ka leit ka wan.
Ka NEHU ka dei ban pyntikna ba ki khynnah pule kiba dei nabar jylla bad bar Ri kiba wan pule hapoh kane ka skulbah ki dei ban poi shwa 15 sngi shwa ka examine na ka bynta ban shong Quarantine.
Ki bor pyniaid ka University kin da pynkhuid bad synreit dawai shwa iaki hostel s lbad ki examination hall ha shwa ban pynlong iaki examine. Kane ka long katkum ka kyrwoh kaba la phah da u samla Enlang Sawian Education Secretary jong ka seng HYC.
