Shillong, Risaw 07: Mynta ka sngi ka kynhun Meghalaya Rural Tourisms Forum(MRTF) kala leit ban ai da ka dorkhas sa u myntri ba dei peit ia ka tnad shangsuwari u bah Paul Lyngdoh ban pyrshah ia ka jingdawa ka All Meghalaya Khasi Tourist Taxi Association (AMKTTA) kiba la dawa ban nym shah ia ki kali ba kit ia ki nongwan sha kane ka jylla Meghalaya.
Ka seng MRTF kala ong ba kane ka jingdawa jong ka AMKTTA ka long kaba beain namar ka long pyrshah ia ka riti dustur ka Ri India kaba ktah ia ka khaii pateng ha pdeng ki jylla hapoh ka Ri India, kumta ka jingleh katei ka seng kam don nongrim.
Ha ka juh ka por ka MRTF kam pdiang ia ka jingleh ha ka jylla Sikkim bad kuma ka long la dei ban ai por shuh ia ka sorkar ban peit la kattei ka jingleh ka jylla Sikkim ka ia hap ne em ha kane ka jylla.
Ki nongkit kam shnong kila rai ban shah ia ki kali ba wan kit ia ki nongshang suwari kin shah iaki kali kiba wan na shabar ka jylla sha ki jaka jngohkai pyrthei bad kane ka dei ban long kaba iaid beit iaid ryntih ia baroh tang na ka bynta ba kin wan jngohkai.
Ka MRTF kala dawa ba dei ban kynthup lang ia ka ha ka kommittee kaba la khlieh da u bah CVD Diengdoh IAS ha kaba ka committee kan hap ban ai ia ka kaiphot sha ka sorkar hapdeng 6 bnai.
Ha kane ka jingiakynduh na ka liang jong u myntri ba deipeit ia ka tnad kam shangsuwari u la sngewthuh ia ka jingpynsngew ka MRTF bad jong a AMKTTA , la ong ba ka sorkar ka la thaw ia ka kommittee ban peit ia kane ka jingdawa bad kane ka kommittee kan sa ai ia ka kaiphot sha ka sorkar.
